Poco F6 Snapdragon 8s Gen 3: ચાઈનીઝ કંપની Xiaomiએ હાલમાં જ Xiaomi Civi 4 Pro સ્માર્ટફોન પોતાના હોમ માર્કેટમાં લોન્ચ કર્યો છે. આ પહેલો ફોન છે જે Snapdragon 8s Gen 3 પ્રોસેસરથી સજ્જ છે. કહેવામાં આવી રહ્યું છે કે કંપની આ ફોનને ભારતમાં નવા નામ સાથે લોન્ચ કરી શકે છે. એવો દાવો કરવામાં આવી રહ્યો છે કે ફોનનું નામ Xiaomi 14 Civi હશે. હવે Xiaomiની સ્વતંત્ર બ્રાન્ડ Poco તરફથી નવી માહિતી આવી છે. પોકો ગ્લોબલના એક્ઝિક્યુટિવ ડેવિડ લિયુની પોસ્ટમાં કહેવામાં આવ્યું છે કે બ્રાન્ડનો આવનારો ફોન ‘Snapdragon 8S Gen 3’ પ્રોસેસરથી સજ્જ ગ્લોબલ માર્કેટમાં લૉન્ચ થનારો પહેલો ફોન હશે.
એન્ડ્રોઈડહેડલાઈન્સના રિપોર્ટમાં આ ડિવાઈસ સાથે જોડાયેલી માહિતી લીક થઈ છે. Pocoના આ ઉપકરણનું નામ Poco F6 હોઈ શકે છે. Mi Codeને ટાંકીને રિપોર્ટમાં દાવો કરવામાં આવ્યો છે કે કથિત Poco F6માં 50-મેગાપિક્સલનો પ્રાઇમરી કેમેરા હશે, જે Sonyનું IMX882 સેન્સર હશે.
મીડિયા રિપોર્ટ્સ પહેલા જ દાવો કરી ચૂક્યા છે કે આગામી પોકો ફોનનું કોડનેમ ‘પીરિયડ’ છે. ફોનનો આંતરિક મોડલ નંબર N61 છે. રિપોર્ટમાં એવો પણ દાવો કરવામાં આવ્યો છે કે Poco F6માં 8-મેગાપિક્સલનો અલ્ટ્રા-વાઇડ કેમેરા અને મેક્રો કેમેરા આપવામાં આવી શકે છે.
એવો પણ દાવો કરવામાં આવે છે કે Poco F6 ને Redmi Note 13 Turbo તરીકે ચીની બજારોમાં લાવવામાં આવી શકે છે. આ લોન્ચ આ વર્ષના પ્રથમ છ મહિનામાં જ થવાની ધારણા છે.
