UPI in Mauritius-Sri Lanka: હવે ભારતનું UPI શ્રીલંકા અને મોરેશિયસમાં પણ કામ કરશે. વડા પ્રધાન નરેન્દ્ર મોદીએ સોમવારે વર્ચ્યુઅલ ઇવેન્ટમાં બંને દેશોમાં તેને લોન્ચ કર્યું હતું. અગાઉ તાજેતરમાં, ભારતની યુનિફાઇડ પેમેન્ટ ઇન્ટરફેસ (UPI) સેવા ફ્રાન્સમાં અને તે પહેલા નેપાળ, સિંગાપોર, ભૂતાન અને UAEમાં શરૂ કરવામાં આવી છે.
PMએ કહ્યું- હિંદ મહાસાગર ક્ષેત્રના ત્રણ મિત્ર દેશો માટે આ એક ખાસ દિવસ છે.
એક રિપોર્ટ અનુસાર, દર વર્ષે અંદાજે 5 હજાર ભારતીય પ્રવાસીઓ મોરેશિયસની મુલાકાત લે છે. આ સિવાય ત્યાં લગભગ 20 હજાર ભારતીય મૂળના લોકો રહે છે. આ પ્રસંગે પીએમ મોદીએ કહ્યું કે હિંદ મહાસાગર ક્ષેત્રના ત્રણ મિત્ર દેશો માટે આજનો દિવસ ખાસ છે. તેમણે કહ્યું કે હવે આ દેશો વચ્ચેની મિત્રતા ડિજિટલ બની ગઈ છે. આ નવી શરૂઆત શ્રીલંકા અને મોરેશિયસમાં ફિનટેક કનેક્ટિવિટી દ્વારા કરવામાં આવી છે. તેનાથી ભારત અને બંને દેશો વચ્ચે સીમા પારના વ્યવહારો તો વધશે જ પરંતુ બંને દેશો સાથેના સંબંધો પણ મજબૂત બનશે.
