બ્યૂટીફૂલ રેખા જાણે દિવસો પસાર થાય છે તેમ ઉંમરને મ્હાત આપી રહી છે. રેખાએ વોગ મેગેઝીન માટે કરાવેલું લેટેસ્ટ ફોટોશૂટ તેનું ઉદાહરણ છે. આ ફોટોશૂટની તસવીરો સામે આવતા જ ઇન્ટરનેટ પર તેની ચર્ચા ચારેતરફ થતી જાેવા મળી હતી. રેખાના ફોટોશૂટમાં મનિષ મલ્હોત્રાએ સ્ટાઇલ કરેલા સ્પેશિયલ અને યૂનિક દુપટ્ટાની પણ એટલી જ ચર્ચા જાેવા મળી હતી. જાે કે, આવું પહેલીવાર નથી જ્યારે રેખાએ આ દુપટ્ટાને પહેર્યો હોય. આ અગાઉ પણ રેખાએ સોનમ કપૂરના વેડિંગ રિસેપ્શનમાં આવો જ યૂનિક દુપટ્ટો પહેર્યો હતો. તદ્દન અલગ જ લૂક આપતા આ દુપટ્ટાને હૈદરાબાદમાં તૈયાર કરવામાં આવે છે અને તેને હૈદરાબાદી ખડા દુપટ્ટા તરીકે ઓળખવામાં આવે છે.
હૈદરાબાદી ખડા દુપટ્ટાને હૈદરાબાદી ખડા પરદા તરીકે પણ ઓળખવામાં આવે છે. આ દુપટ્ટાને ઓઢવાની એક ટ્રેડિશલ સ્ટાઇલ છે જે મૂળ હૈદરાબાદમાં જાેવા મળે છે. ખડા દુપટ્ટા સ્ટાઇલ હૈદરાબાદી બ્રાઇડ્સમાં ખૂબ જ પોપ્યુલર છે અને આજે પણ લગ્નસરા કે ફંક્શન દરમિયાન તેઓ દુપટ્ટાને યૂનિક સ્ટાઇલમાં પહેરે છે. ખડા દુપટ્ટાને પહેરવાની સ્ટાઇલ પણ એકદમ ટ્રેડિશનલ છે જે સાડી સાથે સ્હેજ મળતી આવે છે, જેમાં પ્લિટ્સને આગળની તરફ રાખવામાં આવે છે. દુપટ્ટાને સૌથી પહેલાં માથે નાખવામાં આવે છે અને ત્યારબાદ મોર કે પંખાના આકારમાં દેખાય તેવી રીતે પ્લિટ્સ તૈયાર કરવામાં આવે છે. પ્લિટ્સને પિન-અપ કરીને બોડીની આગળની તરફ રાખવામાં આવે છે. જ્યારે બાકીના ફેબ્રિકને ફ્લો ફ્રી રાખવા માટે ખભા પર પિન-અપ કરવામાં આવે છે.
ખડા દુપટ્ટાને સ્ટાઇલ કરવાથી એલિગન્ટ લૂક મળે છે અને તેને હૈદરાબાદી બ્રાઇડલ આઉટફિટ્સ સાથે મેચ કરવામાં આવે છે. સરારા કે લહેંગા સાથે આ દુપટ્ટા પર મેચિંગ ઇન્ટ્રિકેટ એમ્બ્રોયડરી, ઝરી વર્ક અને એમ્બેલિશ્મેન્ટ કરવામાં આવે છે. ખડા દુપટ્ટાને તૈયાર કરવા માટે સિલ્ક, જ્યોર્જેટ કે શિફોન જેવા ફેબ્રિકનો ઉપયોગ થાય છે. હૈદરાબાદી ખડા દુપટ્ટા એક સ્ટાઇલ સ્ટેટમેન્ટ જ નહીં પણ સાંસ્કૃતિક મહત્વ પણ ધરાવે છે. ગ્રેસ, સુંદરતા અને ટ્રેડિશન તરીકે ગણાતા આ દુપટ્ટાને પેઢી દર પેઢી દુલ્હન પહેરતી આવે છે. ફેશન ટ્રેન્ડ્સ બદલાતા રહે છે પરંતુ આજે પણ હૈદરાબાદી ખડા દુપટ્ટા પહેરવાની સ્ટાઇલમાં કોઇ જ ફરક નથી આવ્યો.