Windows 11: માઇક્રોસોફ્ટે ધીમા પ્રદર્શન માટે નવી સિસ્ટમ લોન્ચ કરી
Windows 11: જો તમારું Windows 11 લૅપટૉપ કે કમ્પ્યુટર ધીમું ચાલી રહ્યું હોય, તો આ માહિતી તમને ખુશ કરશે. માઇક્રોસોફ્ટે એક નવું ફીચર લોન્ચ કર્યું છે. અહીં જાણો કે આ ફીચર કેવી રીતે કામ કરશે અને તમને શું લાભ મળશે.
શું છે નવું ફીચર?
Microsoftએ Windows 11 Insider Build માં Automatic Logging System લોન્ચ કર્યું છે. જ્યારે કોઈ વપરાશકર્તા Feedback Hub મારફતે રિપોર્ટ કરે છે કે તેમનો કમ્પ્યુટર ધીમું ચાલી રહ્યો છે, ત્યારે આ નવું ફીચર રિયલ-ટાઇમ પરફોર્મન્સ લોગ આપમેળે એકત્રિત કરશે. Microsoft મુજબ, જ્યારે Windows Insiders ધીમા કે સુસ્ત સિસ્ટમની ફરિયાદ કરશે, ત્યારે Feedback Hub આ લોગ્સ આપમેળે સંકલિત કરશે જેથી વહેલી તકે ખરાબીનો સાચો ઉકેલ શોધી શકાય.
આ બદલાવ શા માટે જરૂરી છે?
Windows 11 ઓક્ટોબર 2021માં લોન્ચ કરવામાં આવ્યું હતું, પરંતુ ત્યારથી અનેક વપરાશકર્તાઓએ તેની કામગીરી વિશે ફરિયાદો નોંધાવી છે. ઉદાહરણ તરીકે, નવા CPUs પર ગેમિંગની કામગીરીમાં ઘટાડો, Windows 10ની તુલનામાં Windows 11 ધીમું ચાલવું અને અલગ-અલગ હાર્ડવેર પર અસમાન પરફોર્મન્સ જોવા મળવી.
Microsoft પહેલેથી જ ઘણા અપડેટ્સ દ્વારા ટાસ્કબાર, નોટિફિકેશન વિસ્તાર અને ક્વિક સેટિંગ્સમાં સુધારા કર્યા છે, પણ હવે તે સમસ્યાનું મૂળ કારણ શોધવા ઈચ્છે છે કે પ્રદર્શન ક્યાં અને કેમ ઘટતું હોય છે.
25H2 અપડેટમાં શું ખાસ હશે?
2024માં આવેલ 24H2 અપડેટ જૂના ડિવાઈસ પર પણ વધુ સારો પરફોર્મન્સ આપવામાં સફળ રહ્યો. હવે જે આગામી 25H2 અપડેટ છે તેમાં મોટાં બદલાવ જોવા મળશે.
ડ્રાઇવર ડેવલપર્સને હવે સ્ટેટિક એનાલિસિસ કરવી પડશે જેથી કોઈ પણ કોડ બગ પહેલા જ શોધી શકાય. વપરાશકર્તાની સમસ્યાને રિયલ ટાઈમમાં સમજીને તેનું ઉકેલ કાઢવામાં આવશે. ઓપરેટિંગ સિસ્ટમના કોર ઇન્ટરફેસને વધુ રેસ્પોન્સિવ બનાવવા પર પણ કામ કરવામાં આવશે.
