ટીવી શો અનુપમામાં દેવિકાના રોલમાં જાેવા મળતી એક્ટ્રેસ જસવીર કૌર ઘણાં સમયથી સીરિયલમાં દેખાઈ નથી. આ શોમાં તેના કો-એક્ટર નીતિશ પાંડેનું ૨૩ મેના રોજ અવસાન થયું હતું. જે બાદ જસવીરનો ટ્રેક હોલ્ડ પર જતો રહ્યો છે. હાલમાં જ જસવીરે ખુલાસો કર્યો છે કે, નીતિશ સાથે કામ કરવાનું તે મિસ કરે છે. ઉપરાંત દેવિકાનો ટ્રેક ફરી ક્યારે શરૂ થશે તે અંગે પણ જસવીરે જણાવ્યું છે. જણાવી દઈએ કે, નીતિશ પાંડે ધીરજના રોલમાં જાેવા મળતા હતા. જસવીરે કહ્યું, “મેં ‘અનુપમા’ સીરિયલ માટે ત્રણ મહિના પહેલા શૂટિંગ કર્યું હતું. અનુજ, કપાડિયા હાઉસ છોડીને મુંબઈ જઈ રહ્યો હતો એ વખતે મેં શૂટ કર્યું હતું. આ ટ્રેકમાં મેકર્સે નીતિશના પાત્રની એન્ટ્રી કરાવી હતી. મારા પાત્ર સાથે તેના લગ્ન થવાના હતા. કમનસીબે નીતિશનું અવસાન થયું અને બાદમાં બીજા ટ્રેક આવી જતાં મારો ટ્રેક હોલ્ડ પર મૂકી દેવાયો હતો.
તેણે આગળ કહ્યું, “મારો ટ્રેક ફરીથી આવશે કે કેમ તેના વિશે મને કંઈ ખબર નથી.” નીતિશના પાત્રને રિપ્લેસ કરી દેવાશે? જવાબ આપતાં જસવીરે કહ્યું,”મને કંઈ જ ખબર નથી. મને ખાતરી છે કે પ્રોડક્શન ટીમ પાસે પ્લાન હશે જ. મને આશા છે કે મારા પાત્રને જલ્દીથી ફરી બતાવવામાં આવશે કારણકે દેવિકાનું પાત્ર શો માટે મહત્વનું છે. નીતિશ પાંડે સાથે કામ કરવાનું જસવીર મિસ કરી રહી છે. તેણે આ વિશે વાત કરતાં કહ્યું, “તે ખૂબ સિનિયર અને ટેલેન્ટેડ એક્ટર હતા. મને તેમની સાથે કામ કરવાની તક મળી તેથી હું પોતાને નસીબદાર માનું છું. તેઓ મારા સિનિયર અને હતા અને મને તેમની પાસેથી ઘણું શીખવા મળ્યું.” ‘અનુપમા’ના હાલના ટ્રેકની વાત કરીએ તો અનુપમા પોતાની દીકરી છોટી અનુ માટે થઈને યુએસની ફ્લાઈટમાંથી ઉતરી જાય છે. અનુપમાને કપાડિયા હાઉસમાં પાછી જાેઈને અનુજ સહિત આખો પરિવાર સ્તબ્ધ થઈ જાય છે.