Vodafone Idea ની હાલત સુધારવાની આશા સાથે નવા દાવપેચ
Vodafone Idea: વોડાફોન આઈડિયા (Vi) સબ્સ્ક્રાઇબર્સ ગુમાવવાને કારણે સતત નુકસાન સહન કરી રહી છે પરંતુ હવે એવું લાગે છે કે કંપની માટે સારા દિવસો ટૂંક સમયમાં આવી રહ્યા છે. કંપનીના CEO એ 5G વિશે મોટી વાત કહી છે, ચાલો તમને જણાવીએ કે 5G વિશે CEO નું શું કહેવું છે.
Vodafone Idea: Reliance Jio અને Airtel ની સરખામણી કરીએ તો, Vodafone Idea ને દર વખતે નુકસાન થઈ રહ્યું છે, દર વખતે TRAI નો ડેટા બહાર આવે છે, ત્યારે ખબર પડે છે કે કેટલા લોકોએ Vi છોડી દીધું છે. ક્યારેક હજારો તો ક્યારેક લાખો લોકો Vodafone Idea છોડીને બીજા નેટવર્ક પર સ્વિચ કરે છે, પરંતુ હવે એવું લાગે છે કે Vi ના સારા દિવસો આવી રહ્યા છે
Reliance Jio અને Airtel પછી, Vodafone Idea પણ ધીમે ધીમે 5G સેવા શરૂ કરી રહી છે. પટના, દિલ્હી, ચંદીગઢ અને મુંબઈ પછી, હવે તાજેતરમાં કંપનીએ બેંગ્લોરમાં ગ્રાહકો માટે 5G સેવા શરૂ કરી છે
શું 5Gથી Viની નૈય્યા પાર થશે?
ટેલિકોમ ટોકની રિપોર્ટ અનુસાર, Vi ના CEO અક્ષય મુંદ્રા કહે છે કે 5G ગ્રાહકો પાસેથી ખૂબ સકારાત્મક પ્રતિસાદ મળી રહ્યો છે. એટલું જ નહીં, 5G સર્વિસ વિશે ગ્રાહકો પાસેથી કોઈ ફરિયાદ નથી મળી. કંપનીના CEOના કહેવા મુજબ, જ્યાં જ્યાં લોકો પાસે 5G ડિવાઇસ છે, ત્યાં તેઓ ઝડપથી 5G તરફ આગળ વધી રહ્યા છે.
“મને જે વાત ખૂબ પસંદ આવી તે એ છે કે મુંબઈ, દિલ્હી, ચંદીગઢ અને પટનામાં 5G લોન્ચ થયા પછી અમને કોઈ ફરિયાદ મળ્યા નથી. સામાન્ય રીતે જ્યારે નવી ટેકનોલોજી શરૂ થાય છે ત્યારે ઘણી ફરિયાદો આવે છે, પરંતુ અમને 5G વિશે પોઝિટિવ પ્રતિસાદ મળી રહ્યો છે અને લોકોને કોઈ મુશ્કેલી નથી.”
એવું લાગે છે કે લોકો વોડાફોન આઈડિયાના 5Gને પસંદ કરી રહ્યા છે અને સ્પીડ વિશે પણ કોઈ ફરિયાદ નથી. હવે આ વાત ટ્રાઈના આગામી માસિક ડેટામાં સ્પષ્ટ થશે કે કેટલા નવા ગ્રાહકો કંપની સાથે જોડાયા અને કેટલાએ છોડી દીધી. પરંતુ હાલ CEOના નિવેદન પરથી એવું લાગી રહ્યું છે કે કંપનીની સ્થિતિ સુધરી રહી છે.
