Viral Video: વારાણસી દંપતિએ વંદે ભારત એક્સપ્રેસમાં મનાવ્યો પુત્રનો જન્મદિવસ
Viral Video: વારાણસીના એક પરિવારે શ્રીનગર જતી વંદે ભારત એક્સપ્રેસ ટ્રેનમાં કેક કાપીને બાળકનો જન્મદિવસ ઉજવ્યો. પરિવાર માટે આ એક અવિસ્મરણીય ક્ષણ હતી.
Viral Video: વારાણસીના એક દંપતીએ શ્રી માતા વૈષ્ણોદેવી કટરાથી શ્રીનગર સુધી દોડતી નવી વંદે ભારત એક્સપ્રેસ ટ્રેનમાં તેમના પુત્રનો છઠ્ઠો જન્મદિવસ અનોખી રીતે ઉજવ્યો. આ ખાસ પ્રસંગે, તેઓએ વડા પ્રધાન નરેન્દ્ર મોદીનો આભાર વ્યક્ત કર્યો, જેમની પહેલથી આ આધુનિક ટ્રેન સેવા શક્ય બની. 6 જૂન, 2025 ના રોજ વડા પ્રધાન મોદી દ્વારા ઉદ્ઘાટન કરાયેલ વંદે ભારત એક્સપ્રેસ, જમ્મુ અને કાશ્મીરના કટરા અને શ્રીનગર વચ્ચેનું 189 કિમીનું અંતર માત્ર ત્રણ કલાકમાં કાપે છે.
વંદે ભારત એક્સપ્રેસમાં ઉજવ્યો પુત્રનો જન્મદિવસ
આ ટ્રેન અદ્યતન સુવિધાઓથી સજ્જ છે, જેમ કે ઓન-બોર્ડ વાઈ-ફાઈ, ઈન્ફોટેઇનમેન્ટ સિસ્ટમ અને અદ્યતન હીટિંગ સિસ્ટમ, જે તેને વિશેષ બનાવે છે. દંપતીએ ટ્રેનમાં કેક કાપીને અને અન્ય મુસાફરો સાથે ખુશીઓ વહેંચીને પોતાના પુત્રનો જન્મદિવસ ઉજવ્યો. તેમણે કહ્યું કે આવી સુવિધાઓ હવે સામાન્ય નાગરિકો માટે પણ ઉપલબ્ધ છે, જે પહેલા માત્ર એક સપનાની જેમ હતી.
પ્રધાનમંત્રી મોદીએ વંદે ભારત ટ્રેનનું ઉદઘાટન કર્યું, પરિવાર દ્વારા આભાર વ્યક્ત
જાયસવાલ પરિવાર એ કહ્યું કે, “ક્યારેય વિચાર્યું નહોતું કે દેશમાં સૌથી મોટો ચીનાબ રેલ બ્રિજ પર અમારા બાળક મોક્ષનો જન્મદિવસ ધૂમધામથી ઉજવવાની તક મળશે.” તેમણે પ્રધાનમંત્રી નરેન્દ્ર મોદીને આ ખાસ અવસરે આભાર વ્યક્ત કર્યો. તેઓ કહે છે કે, “એક દિવસ એવી ઊંચાઈવાળી જગ્યા પર જ્યાં એફિલ ટાવર કરતા પણ ઊંચો બ્રિજ છે, ત્યાં અમારા બાળકનો જન્મદિવસ ઉજવશું તે સપનામાં પણ ન હતું.”
#WATCH | A couple, Rakesh and Neha Jaiswal from Varanasi, celebrate their son Moksh’s sixth birthday inside Kashmir’s first Vande Bharat express train, cutting the cake as the train reaches Anji Khad Bridge, inaugurated by PM Narendra Modi yesterday.
Rakesh Jaiswal says, “It was… pic.twitter.com/cr6b3UaI4K
— ANI (@ANI) June 7, 2025
મોક્ષએ કહ્યું, “મને બહુ આનંદ થઈ રહ્યો છે! હું ખૂબ ખુશ છું કે મારો બર્થડે આટલી ઊંચાઈવાળી બ્રિજ પર ઉજવાયો. થેન્ક યુ મોદી કાકા.”
મોક્ષની માતાએ કહ્યું, “અમે ક્યારેય સપનામાં પણ નહોતું વિચારી શક્યું કે આવો અવસર મળશે. આ માત્ર એક બ્રિજ નથી, પણ આપણા બાળકોના બાળપણની સૌથી ખાસ યાદ બની જશે. મોદીજીનો ખુબ આભાર.”
બાળકનો જન્મદિવસ વાયરલ ક્ષણ બન્યો
જાણકારી પ્રમાણે આ બ્રિજ ચીનાબ નદી પર બનાવેલો છે અને તેની ઊંચાઈ ૩૫૯ મીટર છે, જે એફિલ ટાવર કરતાં પણ ઊંચો છે. આ ૧,૩૧૫ મીટર લાંબું સ્ટીલ આર્ચ બ્રિજ છે, જે ભૂકંપ અને તીવ્ર હવાના આઘાતો સહન કરી શકે તે રીતે બનાવાયો છે.
આ ઘટના માત્ર વ્યક્તિગત ખુશીની ઓળખ નથી, પણ દર્શાવે છે કે કેવી રીતે ભારતની આધુનિક રેલ સેવાઓ લોકોના જીવનમાં સકારાત્મક ફેરફાર લાવી રહી છે. વંદે ભારત એક્સપ્રેસ જેવી પહેલો માત્ર મુસાફરીને સરળ બનાવતી નથી, પણ સામાજિક અને સાંસ્કૃતિક જોડાણને પણ મજબૂત બનાવે છે.
