UPI Rules Change: PhonePe, Google Pay અને Paytm માં આવ્યા નવા ફીચર્સ

UPI Rules Change: UPI ટ્રાંઝેક્શન હવે વધુ ઝડપી અને સુરક્ષિત

UPI Rules Change:  હવે પૈસા મોકલવાની અને પ્રાપ્ત કરવાની રીત વધુ ઝડપી બનવા જઈ રહી છે. આજથી એટલે કે 16 જૂનથી યુપીઆઈ ટ્રાન્ઝેક્શનની પ્રક્રિયા વધુ ઝડપી બનશે. ચાલો તમને તેના વિશે જણાવીએ.

UPI Rules Change: જો તમે PhonePe, Google Pay અને Paytm વપરાશકર્તા છો અને ઓનલાઇન UPI પેમેન્ટ કરો છો, તો તમારા માટે સારી ખબર છે. હવે પૈસા મોકલવાનું અને પ્રાપ્ત કરવાનું કામ વધુ ઝડપી થશે. આજથી, એટલે કે 16 જૂનથી UPI ટ્રાન્ઝેક્શનની પ્રક્રિયા વધુ ઝડપી થઈ જશે. NPCI દ્વારા જારી કરાયેલા સર્ક્યુલર અનુસાર, UPI API (જેમ કે ટ્રાન્ઝેક્શન સ્ટેટસ ચેક કરવું અને ટ્રાન્ઝેક્શન રિવર્સલ માટે) માટેનો રિસ્પોન્સ ટાઈમ ઓછો કરવામાં આવ્યો છે. પહેલા આ માટે 30 સેકન્ડ લાગતા, હવે તેને 10 સેકન્ડ સુધી ઘટાડવામાં આવ્યો છે. સાથે જ વેલિડ UPI એડ્રેસ API માટે રિસ્પોન્સ ટાઈમ 15 સેકન્ડથી ઘટાડીને 10 સેકન્ડ કરી દેવામાં આવ્યો છે.

આ બદલાવથી વપરાશકર્તાઓને લાભ મળશે. ફેઈલ થયેલા ટ્રાન્ઝેક્શન્સને રિવર્સ કરવું કે પેમેન્ટ સ્ટેટસ ચેક કરવા માટેનું ટર્નઅરાઉન્ડ ટાઈમ હવે ઓછું થશે. હવે વપરાશકર્તાઓને વધુ રાહ જોવુ પડશે નહીં.

ટ્રાન્ઝેક્શન્સ થશે ઝડપી

નેશનલ પેમેન્ટ્સ કોર્પોરેશન ઓફ ઇન્ડિયા (NPCI), જે UPI સંભાળે છે, તેણે 26 એપ્રિલ 2025 ના રોજ એક સર્ક્યુલર બહાર પાડ્યો હતો. તેમાં જણાવાયું છે કે તેઓ UPI ટ્રાન્ઝેક્શનના રિસ્પોન્સ ટાઈમને ઘટાડવાના પ્રોજેક્ટ પર કામ કરી રહ્યા છે, જેથી તેની કામગીરી વધુ સારી બને. આ બદલાવથી પૈસા મોકલનારા બેંકો, પ્રાપ્ત કરનારા બેંકો અને પેમેન્ટ સર્વિસ પ્રોવાઈડર્સ (PSPs) જેમ કે PhonePe, Google Pay અને Paytm બધાને લાભ મળશે.

NPCI એ સર્ક્યુલરમાં જણાવ્યું કે, “આ બદલાવનો ઉદ્દેશ યુઝર અનુભવને વધુ સારી બનાવવાનો છે. સભ્યો માટે જરૂરી છે કે તેઓ તેમના સિસ્ટમમાં જરૂરી ફેરફાર કરે જેથી રિસ્પોન્સ નિર્ધારિત સમયમાથી કરી શકાય. તેમજ જો પાર્ટનર કે મર્ચન્ટ તરફથી કોઈ નિર્ભરતા અથવા કોન્ફિગ્યુરેશનમાં ફેરફાર આવતો હોય, તો તેનો પણ ધ્યાન રાખવું પડશે.”