NCR : એનસીઆરના બે મોલમાં બોમ્બની ધમકી મળી છે. નોઈડાના ડીએલએફ મોલ અને ગુરુગ્રામના એમ્બિયન્સ મોલમાં ધમકીભર્યા ઈમેલ મોકલવામાં આવ્યા છે. બંને મોલ ખાલી કરાવવામાં આવ્યા છે અને પોલીસ ફોર્સ સ્થળ પર તૈનાત છે.
એમ્બિયન્સ મોલ મેનેજમેન્ટને મળેલા મેલમાં લખ્યું છે કે મેં બિલ્ડિંગમાં બોમ્બ પ્લાન્ટ કર્યા છે. બિલ્ડિંગની અંદરના દરેકને મારી નાખવામાં આવશે. તમારામાંથી કોઈ બચશે નહિ. તમે મરવાના છો. મેં ઈમારતોમાં બોમ્બ લગાવ્યા કારણ કે મને મારા જીવનથી ધિક્કાર છે. આ હુમલા પાછળ પેગી અને નોરાનો હાથ છે.
ધમકીભર્યો ઈમેલ મળતાં ગભરાટ ફેલાયો હતો. મેનેજમેન્ટે સમગ્ર મામલે પોલીસને જાણ કરી હતી. ઘટનાની જાણ થતાં જ પોલીસ ઘટનાસ્થળે પહોંચી ગઈ હતી અને તપાસ હાથ ધરી હતી. પોલીસની સાથે બોમ્બ સ્ક્વોડ પણ ઘટનાસ્થળે પહોંચી હતી અને તપાસ શરૂ કરી હતી. આ સાથે એ પણ જાણવામાં આવી રહ્યું છે કે ધમકીભર્યો મેલ કોણે મોકલ્યો છે. આ સમગ્ર ઘટના પાછળ કોણ છે?
