TikTok: આ દેશમાં હવે Tik Tok પર પ્રતિબંધ, વડાપ્રધાને કહ્યું..

બાળકોમાં વધતી હિંસા માટે ખાસ કરીને TikTokને જવાબદાર ગણવામાં આવે છે. તેમણે કહ્યું, “આજે સમસ્યા બાળકોની નથી, સમસ્યા સમાજની છે. સમસ્યા TikTok અને અન્ય પ્લેટફોર્મની છે, જે અમારા બાળકોને બંધક બનાવી રહ્યાં છે.” રામાએ એમ પણ કહ્યું કે હવેથી એક વર્ષ પછી અલ્બેનિયામાં TikTok પર સંપૂર્ણપણે પ્રતિબંધ મૂકવામાં આવશે.

ફ્રાન્સ, જર્મની અને બેલ્જિયમ જેવા ઘણા યુરોપિયન દેશોએ બાળકોને સોશિયલ મીડિયાથી દૂર રાખવા માટે આવા પ્લેટફોર્મ પર પ્રતિબંધ મૂક્યો છે. ઓસ્ટ્રેલિયાએ નવેમ્બરમાં 16 વર્ષથી ઓછી ઉંમરના બાળકો માટે સોશિયલ મીડિયા પર સંપૂર્ણ પ્રતિબંધ લગાવી દીધો હતો.

TikTok એ આ ઘટનાનો જવાબ આપતા કહ્યું કે તે અલ્બેનિયા સરકાર પાસેથી વધુ માહિતી એકત્ર કરી રહ્યું છે. કંપનીના પ્રવક્તાએ કહ્યું કે પીડિત કે હુમલાખોર વિદ્યાર્થીઓના TikTok એકાઉન્ટ હોવાના કોઈ પુરાવા નથી. સાથે જ, એવું પણ જાણવા મળ્યું છે કે આ ઘટના પહેલા હિંસક વીડિયો TikTok પર નહીં પરંતુ અન્ય પ્લેટફોર્મ પર અપલોડ કરવામાં આવ્યા હતા.