દુનિયામાં ઘણા સી ફૂડ લવર્સ છે. આ લોકો દરિયાઈ જીવો ખાવાના ખૂબ જ શોખીન હોય છે. સી ફૂડમાં માછલીઓ, કરચલાં વગેરેનો સમાવેશ થાય છે. માછલીઓની પણ ઘણી જાતો છે. દરેક વ્યક્તિ પોતાના સ્વાદ પ્રમાણે માછલી ખાવાનું પસંદ કરે છે. કોઈને રેહુ ગમે છે તો કોઈને કટલા ગમે છે. પરંતુ શું તમે જાણો છો કે એવી માછલી પણ દરિયાની દુનિયામાં જાેવા મળે છે જે ખૂબ જ ઝેરીલી હોય છે. આ માછલીને અડવા માત્રથી જ માણસ મરી શકે છે. અમે વાત કરી રહ્યા છીએ દુનિયાની સૌથી ઝેરી માછલી વિશે જેનું નામ સ્ટોન ફિશ છે. આ માછલીને તેના દેખાવના કારણે આ નામ મળ્યું છે. તેનો આકાર પથ્થર જેવો હોય છે. જાે તેને સ્પર્શ કરવામાં આવે તો વ્યક્તિ મરી શકે છે. તેમની આ વિશેષતાના કારણે તે પોતાના દુશ્મનોથી સુરક્ષિત રહે છે. આવી સ્થિતિમાં માછીમારોને સલાહ આપવામાં આવે છે કે જાે તેઓ આ માછલીને જુએ તો તરત જ તેનાથી દૂર રહેવું અને સાવચેત રહેવું જાેઇએ. વિશ્વની સૌથી ખતરનાક સ્ટોન ફિશ દરેક જગ્યાએ જાેવા મળતી નથી. તે મોટાભાગે મકર રેખાના ઉષ્ણકટિબંધની નજીકના સમુદ્રમાં જાેવા મળે છે.
તે દૃષ્ટિમાં પથ્થર જેવી લાગે છે. આ કારણોસર લોકો તેને સરળતાથી જાેઈ શકતા નથી અને તેનો શિકાર બની જાય છે. કોઈ જીવ તેના સંપર્કમાં આવતાં જ તેના શરીરમાંથી નીકળતા ઝેરના અસરથી મૃત્યુ પામે છે. જ્યારે કોઈ પણ જીવ તેના પર પગ મૂકે છે ત્યારે સ્ટોન ફિશના શરીરમાંથી ન્યુરોટોક્સિન નામનું ઝેર નીકળે છે. જેના કારણે લોકોના મોત થાય છે. નિષ્ણાતોના મતે જાે આ માછલીના ઝેરની ઝપેટમાં વ્યક્તિના શરીરનો કોઈ ભાગ આવી ગયો હોય તો તેને બચાવવાનો એક જ રસ્તો છે. જે ભાગ આ ઝેરના સંપર્કમાં આવ્યો છે તેને કાપી નાખવો પડે છે. તેને વિશ્વની સૌથી ખતરનાક માછલી કહેવા પાછળ બીજું કારણ પણ જવાબદાર છે. તે ખૂબ જ ઝડપથી ઝેર છોડે છે. તેને સ્પર્શ કર્યાની માત્ર ૦.૫ સેકન્ડની અંદર તે ઝેર છોડે છે. તેમજ જાે આ માછલીના ઝેરનું એક ટીપું પણ શહેરના પીવાના પાણીમાં ભળી જાય તો આખા શહેરના લોકો મરી શકે છે.
