હાથમાં સ્ટીયરીંગ વ્હીલ, સ્ક્રીન પર WhatsApp: જાણો આ નવી કાર અપડેટ કેવી રીતે કામ કરે છે
કાર ચલાવતી વખતે WhatsApp નો ઉપયોગ કરવો હવે પહેલા કરતા વધુ સરળ અને સુરક્ષિત બની ગયો છે. Apple CarPlay સાથે WhatsApp ના નવા ઇન્ટિગ્રેશનને કારણે હવે યુઝર્સ સીધા કારની સ્ક્રીન પરથી જ ચેટ, કોલ અને કોન્ટેક્ટ્સ એક્સેસ કરી શકશે. અગાઉ આ સુવિધા માત્ર વોઈસ આસિસ્ટન્ટ પૂરતી મર્યાદિત હતી, પરંતુ હવે એક અલગ અને બહેતર ઇન્ટરફેસ સાથે આખો અનુભવ બદલાઈ ગયો છે.
જેવું તમારું iPhone કારના CarPlay સાથે કનેક્ટ થશે, WhatsApp આઇકોન કારની સ્ક્રીન પર દેખાવા લાગશે. આ નવા વર્ઝનમાં યુઝર્સ પોતાની તાજેતરની ચેટ્સ જોઈ શકશે, WhatsApp કોલ કરી શકશે અથવા રિસીવ કરી શકશે અને વોઈસ દ્વારા મેસેજ મોકલી શકશે. સુરક્ષાને ધ્યાનમાં રાખીને, કાર ચલાવતી વખતે આખી ચેટ વાંચવાની પરવાનગી આપવામાં આવી નથી જેથી ડ્રાઈવરનું ધ્યાન રસ્તા પરથી ન ભટકે.
આ અપડેટની સૌથી મોટી વિશેષતા તેનો નવો અને સ્પષ્ટ ઇન્ટરફેસ છે. તેમાં ફેવરિટ કોન્ટેક્ટ્સ માટે અલગ સેક્શન આપવામાં આવ્યું છે, જેનાથી મહત્વના લોકો સાથે તરત જ સંપર્ક કરી શકાય છે. કોલ હિસ્ટ્રી અને કોન્ટેક્ટ પ્રોફાઇલ જેવી સુવિધાઓને કારણે હવે ફોન હાથમાં લીધા વગર જ વાતચીત કરવી શક્ય બની છે. આ ફીચર ડ્રાઈવરો માટે વરદાન સમાન છે કારણ કે તે ડ્રાઈવિંગ દરમિયાન ધ્યાન કેન્દ્રિત રાખવામાં મદદ કરે છે અને અકસ્માતનો ભય ઘટાડે છે.
