Virat Kohli
એમએસ ધોની બાદ વિરાટ કોહલીને ભારતીય ટેસ્ટ ટીમનો કેપ્ટન બનાવવામાં આવ્યો હતો. કિંગ કોહલીની કેપ્ટન્સીમાં ભારતની ટેસ્ટ ટીમ એક અલગ જ ફોર્મમાં જોવા મળી હતી. વિદેશની ધરતી પર ટેસ્ટ રમી રહી હતી ત્યારે કોહલીની કેપ્ટનશીપમાં ટીમ ઈન્ડિયાએ શાનદાર પ્રદર્શન કર્યું હતું. કોહલીની કેપ્ટનશીપ પહેલા ટીમ ઈન્ડિયા ઘણીવાર વિદેશી ધરતી પર ફ્લોપ રહી હતી. તો ચાલો જાણીએ કે કોહલીની ટેસ્ટ કેપ્ટનશીપમાં ટીમ ઈન્ડિયાએ કેવા સોનેરી દિવસો અનુભવ્યા.
Virat Kohli તમને જણાવી દઈએ કે કોહલી 2014માં ભારતીય ટેસ્ટ ટીમનો કેપ્ટન બન્યો હતો. તેમણે 2022 સુધી કમાન સંભાળી હતી. સાત વર્ષના આ સમયગાળામાં કોહલીએ વિદેશી ધરતી પર રમાયેલી 16 ટેસ્ટ જીતી હતી. જ્યારે કોહલીની કેપ્ટનશિપ પહેલા 82 વર્ષના ગાળામાં ટીમ ઈન્ડિયાએ વિદેશી ધરતી પર માત્ર 38 ટેસ્ટ જીતી હતી.
વિદેશમાં ટીમ ઈન્ડિયાની જીત – ટેસ્ટમાં
કોહલીની કેપ્ટનશીપ પહેલા – 82 વર્ષમાં 38 ટેસ્ટ જીતી હતી.
ટેસ્ટ કેપ્ટનશિપમાં કોહલીનો રેકોર્ડ
વિરાટ કોહલી ટીમ ઈન્ડિયાનો અત્યાર સુધીનો સૌથી સફળ ટેસ્ટ કેપ્ટન છે. કોહલી એવો ખેલાડી છે જેણે ટીમ ઈન્ડિયા માટે કેપ્ટન તરીકે સૌથી વધુ ટેસ્ટ રમી છે. કોહલીની કપ્તાનીમાં ટીમ ઈન્ડિયાએ કુલ 68 ટેસ્ટ રમી હતી. ટીમ ઈન્ડિયાએ આમાંથી 40 મેચ જીતી છે. ટેસ્ટ કેપ્ટન તરીકે સૌથી વધુ જીત જીતવાનો રેકોર્ડ પણ કોહલીના નામે છે.
નોંધનીય છે કે વિરાટ કોહલીએ તેની કારકિર્દીમાં અત્યાર સુધી 118 ટેસ્ટ મેચ રમી છે. આ મેચોની 201 ઇનિંગ્સમાં બેટિંગ કરતા કોહલીએ 47.83ની એવરેજથી 9040 રન બનાવ્યા છે. આ દરમિયાન તેના બેટમાંથી 29 સદી અને 31 અડધી સદી આવી છે. ટેસ્ટમાં કોહલીનો સર્વોચ્ચ સ્કોર 254* રન છે. કોહલીએ જૂન 2011માં વેસ્ટ ઈન્ડિઝ સામે રમાયેલી મેચમાં ટેસ્ટ ડેબ્યૂ કર્યું હતું.
