Stock Market Today: આજે એટલે કે 10મી એપ્રિલે શેરબજાર મજબૂતી સાથે ખુલ્યું હતું. શેરબજારના બંને બેન્ચમાર્ક સૂચકાંકો સેન્સેક્સ અને નિફ્ટીમાં ઉછાળા સાથે ટ્રેડિંગની શરૂઆત થઈ હતી.સેન્સેક્સ 270 પોઈન્ટના વધારા સાથે 74,953.96 પર અને નિફ્ટી 77 પોઈન્ટના વધારા સાથે 22,720.25 પર ખુલ્યો હતો. આ પછી શેરબજારમાં ઉતાર-ચઢાવનો સમય જોવા મળી રહ્યો છે.
શરૂઆતના કારોબારમાં, સેન્સેક્સ લગભગ 300 પોઈન્ટ વધીને 983 પોઈન્ટ, નિફ્ટી 84 પોઈન્ટ વધીને 22,727.25 પોઈન્ટ પર પહોંચ્યો હતો.
આગલા દિવસ દરમિયાન BSE સેન્સેક્સે પ્રથમ વખત 75,000 પોઈન્ટની સપાટી વટાવી હતી. તે જ સમયે, નિફ્ટી પણ તેની નવી ઓલ ટાઈમ હાઈને સ્પર્શી ગયો.ત્રીસ શેર પર આધારિત બીએસઈ સેન્સેક્સ 58.80 પોઈન્ટ અથવા 0.08 ટકાના ઘટાડા સાથે 74,683.70 પોઈન્ટ પર બંધ થયો.
ટ્રેડિંગ દરમિયાન એક સમયે તે 381.78 પોઈન્ટ વધીને રેકોર્ડ 75,124.28 પોઈન્ટની સપાટીએ પહોંચ્યો હતો.નેશનલ સ્ટોક એક્સચેન્જનો નિફ્ટી પણ 23.55 પોઈન્ટ અથવા 0.10 ટકાના ઘટાડા સાથે 22,642.75 પોઈન્ટ પર બંધ થયો હતો. ટ્રેડિંગ દરમિયાન એક સમયે, તે 102.1 પોઈન્ટ અથવા 0.45 ટકાના વધારા સાથે 22,768.40 પોઈન્ટના તેના સર્વોચ્ચ સ્તરે પહોંચી ગયો હતો.
