Stock Market Today
Stock Market Today: સવારે માર્કેટ કેપ ઘટીને રૂ. 5 લાખ કરોડ થઈ ગયું હતું. પરંતુ બજાર બંધ થયા બાદ રોકાણકારોની સંપત્તિમાં રૂ. 1 લાખ કરોડના વધારા સાથે માર્કેટ કેપ રૂ. 458.21 લાખ કરોડ થયું હતું.
18 ઓક્ટોબર 2024 ના રોજ સ્ટોક માર્કેટ બંધ: સપ્તાહના છેલ્લા ટ્રેડિંગ સેશનમાં રોકાણકારોએ રાહતનો શ્વાસ લીધો. સવારે બજાર જોરદાર ઘટાડા સાથે ખુલ્યું હતું. પરંતુ દિવસના કારોબાર દરમિયાન ઘરેલું રોકાણકારો ખરીદીના નીચા સ્તરેથી બજારમાં પાછા ફરવાના કારણે બજારે તેની ખોટ વસૂલ કરી લીધી. બેન્કિંગ-ઓટો અને ફાર્મા શેર્સમાં ખરીદીને કારણે બજારમાં આ રિકવરી આવી છે. નીચલા સ્તરેથી સેન્સેક્સમાં 1000 પોઈન્ટ અને નિફ્ટીમાં 300 પોઈન્ટનો ઉછાળો આવ્યો છે. આજના કારોબારના અંતે BSE સેન્સેક્સ 218 પોઈન્ટના ઘટાડા સાથે 81,224 પોઈન્ટ અને નેશનલ સ્ટોક એક્સચેન્જનો નિફ્ટી 104 પોઈન્ટના ઉછાળા સાથે 24,854 પોઈન્ટની સપાટીએ બંધ રહ્યો હતો.
વધતો અને ઘટતો સ્ટોક
સેન્સેક્સના 30 શેરોમાંથી 19 શેર ઉછાળા સાથે અને 11 નુકસાન સાથે બંધ થયા હતા. નિફ્ટીના 50 શેરોમાંથી 33 વધીને અને 17 ઘટાડાની સાથે બંધ થયા હતા. વધતા શેરોમાં એક્સિસ બેન્ક 5.75 ટકા, વિપ્રો 3.59 ટકા, આઇશર મોટર્સ 2.98 ટકા, ICICI બેન્ક 2.90 ટકા, શ્રીરામ ફાઇનાન્સ 2.80 ટકા, હિન્દાલ્કો 2.50 ટકા, HDFC લાઇફ 2.40 ટકાના ઉછાળા સાથે બંધ થયા હતા. ઘટતા શેરોમાં ઈન્ફોસિસ 4.22 ટકા, બ્રિટાનિયા 1.98 ટકા, એશિયન પેઇન્ટ્સ 1.87 ટકા, નેસ્લે 1.21 ટકા, ટેક મહિન્દ્રા 0.82 ટકા, બજાજ ઓટો 0.77 ટકા, એચસીએલ ટેક 0.60 ટકાના વધારા સાથે બંધ થયા છે.
સેક્ટરોલ અપડેટ
બજારમાં આ ઉછાળો બેન્કિંગ શેરોના કારણે આવ્યો છે. નિફ્ટી બેંક 805 પોઈન્ટના વધારા સાથે બંધ થયો છે. આ સિવાય ઓટો સેક્ટર, ફાર્મા સેક્ટર, મેટલ્સ, રિયલ એસ્ટેટ, મીડિયા, એનર્જી, કન્ઝ્યુમર ડ્યુરેબલ્સ, હેલ્થકેર સેક્ટરના શેરમાં તેજી જોવા મળી હતી. ઘટી રહેલા સેક્ટર્સમાં સૌથી વધુ ઘટાડો IT શેરોમાં જોવા મળ્યો છે. નિફ્ટીનો આઈટી ઈન્ડેક્સ 627 પોઈન્ટ ઘટીને બંધ થયો છે. આ સિવાય ઓઈલ એન્ડ ગેસ, એફએમસીજી શેરમાં પણ વેચવાલી જોવા મળી હતી. મિડકેપ અને સ્મોલકેપ શેરોમાં આજે ગ્રીનરી પાછી ફરી હતી જે સવારના કારોબારમાં ભારે નુકસાન સાથે ટ્રેડ થઈ રહ્યા હતા.
