Shri Jagannath Temple: જગન્નાથ મંદિરમાં ઘટતી ઘટનાઓ — શું આ કલિયુગના અંતના સંકેત છે?
શ્રી જગન્નાથ મંદિર: શ્રી જગન્નાથ મંદિરમાં બની રહેલી ઘટનાઓ સાથે ભવિષ્ય મલિકાની આગાહીઓ સાચી પડી રહી હોય તેવું લાગે છે, જે કળિયુગના અંતનો સંકેત આપે છે.
Shri Jagannath Temple: શ્રી જગન્નાથ મંદિર, પુરી ભારતનું એક મુખ્ય ધાર્મિક સ્થળ છે. તે તેની અદ્ભુત ભવ્યતા અને રહસ્યમય આગાહીઓ માટે પ્રખ્યાત છે. દર વર્ષે લાખો ભક્તો અહીં દર્શન માટે આવે છે. આ મંદિર ફક્ત શ્રદ્ધાનું પ્રતીક જ નથી પણ ભવિષ્યના સંકેતો પણ આપે છે.
અચ્યુતાનંદ દાસ દ્વારા લખાયેલ “ભવિષ્ય માલિકા” માં કલિયુગના અંત અને સત્યુગની શરૂઆતના સંકેતો જણાવવામાં આવ્યા છે.
- આ ભવિષ્યવાણીઓ અનુસાર, જયારે પુરીના રાજા દિવ્યસિંહ દેવ ચતુર્થનું શાસન રહેશે, ત્યારે કલિયુગના 5,000 વર્ષ પૂર્ણ થશે. હાલમાં પણ એ રાજા શાસન કરી રહ્યા છે.
- 16 જૂન 1990ના રોજ મંદિરના ‘આંલા બેધા’માંથી આશરે એક ટન વજનનો પથ્થર અચાનક નીચે પડ્યો. વૈજ્ઞાનિકો પણ આ રહસ્યમય ઘટનાનું કારણ સમજી શક્યા નહોતાં. આ ઘટના વિશે “ભવિષ્ય માલિકા”માં અગાઉથી ઉલ્લેખ કરવામાં આવ્યો હતો. તેને કલિયુગના અંતની શરૂઆતના સંકેત તરીકે માનવામાં આવ્યું અને ભક્તોમાં ચિંતા ફેલાઈ ગઈ.
- “ભવિષ્ય માલિકા”માં એ પણ કહેવાયું છે કે જયારે મંદિરની ચૂનાની પત પરતો ખૂળવા લાગશે અને નિલચક્ર વાંકું થવાનું શરૂ કરશે, ત્યારે ભારત તીવ્ર આર્થિક સંકટમાંથી પસાર થશે. ખરેખર, 1991માં ભારતે મોટું આર્થિક સંકટ ઝીલ્યું હતું. આ ઘટનાને લોકોએ ભવિષ્યવાણી મુજબની ચેતવણી માનીને ખૂબ ગંભીરતાથી લીધો.
- એક ભવિષ્યવાણી અનુસાર, જયારે મંદિરના ‘અરુણ સ્તંભ’ પર ગિદ્ધ બેસશે, ત્યારે તે કલિયુગના અંતનો સ્પષ્ટ સંકેત હશે. આ ઘટના માનવજાતિ માટે આવનારા સંકટોની ચેતવણી તરીકે માનવામાં આવે છે. આવા સંકેતોનો હેતુ છે લોકોને જાગૃત કરવો અને તેમને ધર્મના માર્ગે ચલાવવાનો પ્રેરણાદાયક સંદેશ આપવો.
“ભવિષ્ય માલિકા”માં જણાવાયેલી ઘણી ભવિષ્યવાણીઓ સમયાંતરે સાચી સાબિત થઈ છે. આ ઘટનાઓ ભય પેદા કરવા માટે નથી, પરંતુ ભક્તોને સતર્ક કરવા અને ધાર્મિક જીવન તરફ વળવાની ચેતવણી રૂપ છે. ધર્મના પાલન અને સતર્કતાથી જ આવી સંભવિત સમસ્યાઓમાંથી મુકિત મેળવી શકાય છે.
