Sawan Somwar 2025: મહાદેવની કૃપા મેળવવા શ્રાવણ સોમવારના શ્રેષ્ઠ ઉપાયો

1. જળાભિષેક:
જળાભિષેક ભગવાન શિવની પૂજા માટે સૌથી મહત્વપૂર્ણ વિધિ માનવામાં આવે છે, જેના વિના પૂજા અધૂરી ગણાય છે. આ દરમિયાન શિવલિંગ પર શુદ્ધ જળથી અભિષેક કરવો જોઈએ. જળ સાથે તમે તીર્થ જળ, ગંગાજળ, દૂધ, ઘી, દહીં, મધ વગેરેથી પણ અભિષેક કરી શકો છો.

2. દીવો પ્રગટાવો:
શ્રાવણ સોમવારના દિવસે સાંજના સમયે શિવ મંદિરમાં એક દીવો પ્રજ્વલિત કરવો જોઈએ. આથી સુખ અને સમૃદ્ધિ મળે છે. જો તમારા ઘરમાં શિવલિંગ સ્થાપિત હોય તો સંધ્યાકાળે શિવલિંગ પાસે પણ દીવો પ્રગટાવી શકો છો.

3. શિવમુઠ્ઠી:
શ્રાવણ સોમવારે શિવલિંગ પર “શિવમુઠ્ઠી” ચઢાવવી જોઈએ. તેમાં મુખ્યત્વે પાંચ પ્રકારના અનાજ હોય છે — અરહર દાળ, અક્ષત (ચોખા), ઘઉં, તલ અને મૂંગ. શિવમુઠ્ઠી ચઢાવવાથી જીવનની પરેશાનીઓ દૂર થતી હોય છે.

4. કળશ ભરો:
શ્રાવણ સોમવારે તાંબાના કળશમાં ગંગાજળ ભરી તેમાં અક્ષત, સફેદ ફૂલો અને ચંદન નાખો અને “ૐ નમઃ શિવાય” મંત્ર જાપ સાથે શિવલિંગ પર અર્પણ કરો.

5. મંત્ર જાપ:
શ્રાવણ સોમવારે વ્રત રાખી શકય તેટલો મંત્ર જાપ કરો. ખાસ કરીને આ દિવસે “મહામૃત્યુંજય મંત્ર”નો જાપ કરવો સૌથી વધુ લાભદાયી માનવામાં આવે છે.