Reliance Industries’ M-Cap : મુકેશ અંબાણીની માલિકીની રિલાયન્સ ઇન્ડસ્ટ્રીઝનું માર્કેટ કેપ પ્રથમ વખત રૂ. 21 લાખ કરોડને પાર કરી ગયું છે. શુક્રવારે રિલાયન્સ ઇન્ડસ્ટ્રીઝનો શેર 1.90% વધ્યો હતો અને ₹3,129ની સર્વકાલીન ઉચ્ચતમ સપાટીએ પહોંચ્યો હતો. રિલાયન્સ ઇન્ડસ્ટ્રીઝને આવરી લેતા 35 વિશ્લેષકોમાંથી 28એ તેને ‘બાય’ તરીકે ભલામણ કરી છે, તેમાંથી પાંચે તેને ‘હોલ્ડ’ તરીકે ભલામણ કરી છે, જ્યારે બેએ તેને ‘સેલ’ રેટિંગ આપ્યું છે.
લક્ષ્યાંક કિંમત ₹3,380 થી વધીને ₹3,580 થઈ.
ગ્લોબલ બ્રોકરેજ હાઉસ જેફરીઝે રિલાયન્સ પર તેની ટાર્ગેટ કિંમત અગાઉના ₹3,380 થી વધારીને ₹3,580 પ્રતિ શેર કરી છે, જેનો અર્થ છે કે આગામી દિવસોમાં તે લગભગ 17 ટકા વધી શકે છે. બ્રોકરેજે રિલાયન્સ ઇન્ડસ્ટ્રીઝના શેર પર તેની ‘બાય’ ભલામણ પણ જાળવી રાખી છે. તેમાં કહેવામાં આવ્યું છે કે જિયો નાણાકીય વર્ષ 2024 અને નાણાકીય વર્ષ 2027 વચ્ચે આવકમાં 18% અને કર પછીના નફા (PAT)માં 26% ના ચક્રવૃદ્ધિ વાર્ષિક વૃદ્ધિ દર (CAGR) પર વૃદ્ધિ કરે તેવી શક્યતા છે.
મોર્ગન સ્ટેન્લીનો અભિપ્રાય શું છે?
મોર્ગન સ્ટેનલીએ રિલાયન્સ પર ‘ઓવરવેઇટ’ રેટિંગ જાળવી રાખ્યું છે. તેની લક્ષ્ય કિંમત ₹3,046 પ્રતિ શેર છે. મોર્ગન સ્ટેન્લી FY27 સુધી ટેરિફમાં વધુ કોઈ વધારાની અપેક્ષા રાખતા નથી, પરંતુ જણાવ્યું હતું કે આવતા વર્ષે લગભગ 20% ટેરિફ વધારાથી કમાણીમાં 10 થી 15% વધારો થઈ શકે છે.
