Rajiv Gandhi Death Anniversary: રાજીવ ગાંધીએ એક ઇમોશનલ પોસ્ટમાં વ્યક્ત કરી પિતાની ખોટ
રાજીવ ગાંધીની પુણ્યતિથિ: કોંગ્રેસ નેતા રાહુલ ગાંધીએ સોશિયલ મીડિયા પર તેમના પિતા રાજીવ ગાંધીને તેમની પુણ્યતિથિ પર યાદ કરતી એક પોસ્ટ શેર કરી છે.
Rajiv Gandhi Death Anniversary: કોંગ્રેસના નેતા રાહુલ ગાંધીએ તેમના પિતા અને દેશના પૂર્વ વડાપ્રધાન રાજીવ ગાંધીને તેમની પુણ્યતિથિ પર યાદ કર્યા છે. રાહુલ ગાંધીએ રાજીવ ગાંધીની 34મી પુણ્યતિથિના અવસરે સોશ્યલ મીડિયા પર એક ભાવુક પોસ્ટ શેર કરી છે. તેમણે રાજીવ ગાંધીની સમાધિની તસવીર પણ સોશિયલ મીડિયા પર મૂકેલી છે.
રાહુલે એક્સ (હવે Twitter) પર એક પોસ્ટ શેર કરી છે. તેમાં તેમણે એક તસવીર રાજીવ ગાંધી સાથેની અને બીજી તેમની સમાધિ સ્થલની શેર કરી છે. રાહુલે કેપ્શનમાં લખ્યું છે:
“પાપા, તમારી યાદો મારા દરેક પગલાં પર મારું માર્ગદર્શન કરે છે. તમારા અધૂરા સપનાઓને સાકાર કરવું જ મારું સંકલ્પ છે – અને હું તેમને પૂરાં કરીને જ રહીશ.”
કોંગ્રેસ અધ્યક્ષે રાજીવ ગાંધીને અર્પણ કરી શ્રદ્ધાંજલિ
કોંગ્રેસ અધ્યક્ષ મલ્લિકાર્જુન ખડગેએ પૂર્વ વડાપ્રધાન રાજીવ ગાંધીની પુણ્યતિથિએ શ્રદ્ધાંજલિ અર્પણ કરી છે. તેઓ રાહુલ ગાંધી સાથે રાજીવ ગાંધીના સમાધિસ્થળ વીર ભૂમિ પહોંચ્યા હતા. તેમના સાથે પાર્ટીના અન્ય નેતાઓ પણ હાજર રહ્યા હતા. વડાપ્રધાન નરેન્દ્ર મોદીએ પણ પૂર્વ વડાપ્રધાન રાજીવ ગાંધીને યાદ કર્યા અને સોશિયલ મીડિયા પ્લેટફોર્મ ‘એક્સ’ દ્વારા શ્રદ્ધાંજલિ અર્પણ કરી.
पापा, आपकी यादें हर कदम पर मेरा मार्गदर्शन करती हैं।
आपके अधूरे सपनों को साकार करना ही मेरा संकल्प है – और मैं इन्हें पूरा करके रहूंगा। pic.twitter.com/jwptCSo1TN
— Rahul Gandhi (@RahulGandhi) May 21, 2025
માત્ર 40 વર્ષની ઉંમરે દેશના વડાપ્રધાન બન્યા હતા રાજીવ ગાંધી
રાજીવ ગાંધી માત્ર 40 વર્ષની ઉંમરે ભારતના વડાપ્રધાન બન્યા હતા. તેઓ 31 ઓક્ટોબર 1984થી 2 ડિસેમ્બર 1989 સુધી વડાપ્રધાન પદ પર રહ્યા. રાજીવ ગાંધી પહેલાથી જ પાઇલટ તરીકે કામ કરતા હતા, પરંતુ 1984માં ઇન્દિરા ગાંધીની હત્યા બાદ તેઓ વડાપ્રધાન બની ગયા. તેમને ભારતની કમ્પ્યુટર ક્રાંતિનો જનક પણ કહેવામાં આવે છે.
