ભરૂચ જિલ્લાના જંબુસર તાલુકામાં સરોદ નજીક આવેલી કેમિકલ કંપનીમાં ગેસ લીકેજની ઘટનાના પગલે દોડધામ મચી ગઈ છે. પ્લાન્ટમાંથી પીળા રંગના ધુમાડા વછૂટતાં કામદારો જીવ બચાવવા ભાગતા નજરે પડ્યા હતા.
આ ગેસ બ્રોમીન હોવાનું પ્રાથમિક અનુમાન છે જાેકે હજુસુધી કંપની તરફથી કોઈ સત્તાવાર માહિતી સામે આવી નથી. ઘટનામાં હજુસુધી કોઈ જાનહાનિના અહેવાલ સાંપડ્યા નથી. સ્થિતિ ઉપર નિયંત્રણ મેળવવા પ્રયાસ હાથ ધરાયા છે. ઘટના બાબતે ફાયર બ્રિગેડને પણ કોલ આવતામાં આવતા ઇમરજન્સી સર્વિસીસની ટુકડી ઘટનાસ્થળ તરફ રવાના કરવામાં આવી છે. ગેસ ગળતરની ઘટના ઁૈં ૈંહઙ્ઘજેંિૈીજ માં બની હોવાના પ્રાથમિક અહેવાલ સાંપડી રહ્યા છે.
બ્રોમીન ગેસ સીધો શ્વસન તંત્ર ઉપર અસર પહોંચાડે છે. શ્વાસમાં તકલીફ સહિતની સમસ્યાઓ આ ગેસથી થાય છે. હવા કરતા ભારે હોવાના કારણે તેનું જાેખમ પણ વધુ રહે છે. આજે ઁૈં ઈન્ડસ્ટ્રીઝમાં બનેલી ઘટનામાં ૧૫ થી વધુ લોકોને ગેસની અસરના લક્ષણનો સામનો કરવો પડ્યો હતો. કંપની સત્તાધીશ સહીત ઇમરજન્સી સર્વિસીસના સૂત્રોએ આ ૧૫થી વધુ લોકોને સ્થાનિક હોસ્પિટલ ખસેડાયા હતા.
જંબુસર ડિવિઝનના નાયબ પોલીસ અધિક્ષક પી એલ ચૌધરીએ જણાવ્યું હતું કે સારવાર હેઠળના વ્યક્તિઓમાં કોઈની હાલત ગંભીર હોવાના અહેવાલ નથી. મામલાની પોલીસ સહીત એજન્સીઓએ તપાસ શરૂ કરી છે. ઘટનાના પગલે સ્થાનિક અગ્રણીઓ પણ ઘટનાસ્થળે દોડી ગયા છે.બ્રોમિનને બિન-ધાતુ તરીકે વર્ગીકૃત કરવામાં આવે છે અને રાસાયણિક રીતે બ્રોમિન એક તત્વ છે. બ્રોમિન સામાન્ય તાપમાને પ્રવાહી સ્થિતિમાં જાેવા મળે છે. બ્રોમાઇનની ઘનતા ૩.૧૧૯ ગ્રામ પ્રતિ ઘન સેન્ટીમીટર છે. તેનું ગલનબિંદુ (ગલનનું તાપમાન) માઈનસ ૭.૨ °ઝ્ર (૧૯ °હ્લ) છે અને તેનાથી ઓછા તાપમાને, બ્રોમિન ઘન સ્થિતિમાં જાેવા મળે છે. તેનું ઉત્કલન બિંદુ (ઉકળતા તાપમાન) ૫૮.૮ °ઝ્ર (૧૩૭.૮ °હ્લ) છે.
બ્રોમિન એ પૃથ્વી પરનું ૫૦મું સૌથી વિપુલ તત્વ છે.બ્રોમિન પૃથ્વીના પોપડા કરતાં દરિયાના પાણીમાં વધુ માત્રામાં જાેવા મળે છે.તે દરિયાના પાણીમાંથી કાઢવામાં આવેલ પ્રથમ તત્વ હતું. આજે સૌથી વધુ બ્રોમિન ઇઝરાયેલમાં સમુદ્રમાંથી સૌથી વધુ ઉત્પન્ન થાય છે.જ્યારે તે ત્વચાના સંપર્કમાં આવે છે ત્યારે બ્રોમિન ત્વચાને ગંભીર નુકસાન પહોંચાડી શકે છે અને જ્યારે તે તેની વરાળના સંપર્કમાં આવે છે ત્યારે તે આંખો, નાક અને ગળામાં ગંભીર દાઝી શકે છે.
