DDA Housing Scheme
DDA Housing Scheme: સરકાર આર્થિક રીતે નબળા લોકો માટે ઘણી યોજનાઓ લાવે છે. નવા વર્ષ પર, દિલ્હી વિકાસ સત્તામંડળે ત્રણ નવી યોજનાઓ રજૂ કરી છે, જેમાં સસ્તા ભાવે ફ્લેટ આપવામાં આવી રહ્યા છે. આમાં શ્રમિક આવાસ યોજના 2025, સબકા ઘર આવાસ યોજના અને ખાસ આવાસ યોજનાનો સમાવેશ થાય છે. આજે આપણે શ્રમિક આવાસ યોજના 2025 વિશે વાત કરીશું, જેમાં કોણ અને કેવી રીતે અરજી કરી શકે છે, જાણો સંપૂર્ણ માહિતી.
દિલ્હી ડેવલપમેન્ટ ઓથોરિટી (DDA) એ કામદારો માટે 25% ડિસ્કાઉન્ટ સાથે શ્રમિક આવાસ યોજના 2025 ની જાહેરાત કરી છે. આ ઓફર એવા કામદારો માટે છે જેઓ ૩૧ ડિસેમ્બર 2024 ના રોજ અથવા તે પહેલાં બોર્ડમાં નોંધાયેલા છે. આ ઉપરાંત, પીએમ વિશ્વકર્મા યોજના હેઠળ નોંધાયેલા લોકો પણ આ ડિસ્કાઉન્ટનો લાભ લઈ શકે છે.
આ યોજનામાં મકાન અને બાંધકામ કામદારો ભાગ લઈ શકે છે, જેઓ 31 ડિસેમ્બર 2024 ના રોજ અથવા તે પહેલાં દિલ્હી મકાન અને અન્ય બાંધકામ કામદાર કલ્યાણ બોર્ડ (DBOCWWB) માં નોંધાયેલા છે. આ ઉપરાંત, જે લોકોએ પીએમ વિશ્વકર્મા યોજના હેઠળ નોંધણી કરાવી છે તેઓ પણ આ લાભ મેળવી શકે છે. ફ્લેટ ફાળવણી પ્રક્રિયા લોટરીને બદલે ‘પહેલા આવો, પહેલા મેળવો’ ના ધોરણે કરવામાં આવશે.
નોંધણી અને બુકિંગ ફક્ત DDA વેબસાઇટ પરથી જ ઓનલાઈન કરી શકાય છે. જો તમારી પાસે ફ્લેટ ખરીદવા માટે પૂરા પૈસા ન હોય, તો લોનની સુવિધા પણ ઉપલબ્ધ રહેશે. ઓનલાઈન નોંધણી 6 જાન્યુઆરી 2025 થી શરૂ થઈ ગઈ છે અને બુકિંગ 15 જાન્યુઆરીથી શરૂ થશે. રજીસ્ટ્રેશન માટે 2500 રૂપિયા અને બુકિંગ માટે 50 હજાર રૂપિયા જમા કરાવવા પડશે. બુકિંગ માટેની છેલ્લી તારીખ 31 માર્ચ 2025 છે.
DDAએ 700 ફ્લેટ્સ નરેલા વિસ્તારમાં પોકેટ 3, 4, 5, 6 સેક્ટર માં બહાર પાડ્યા છે. EWS વર્ગ માટે બનાવેલા આ ફ્લેટ્સની કિંમત 11.54 લાખથી 11.67 લાખ સુધી છે, પરંતુ 25% છૂટ બાદ આની કિંમત 8.65 લાખ સુધી રહેશે.
