શહેરમાં રોંગ સાઈડમાં વાહન ચલાવતા વાહનચાલકોને અટકાવવા અમદાવાદ મ્યુનિસિપલ કોર્પોરેશન અને ટ્રાફિક વિભાગ દ્વારા ટાયર કિલર બમ્પ બનાવાયા છે. શહેરના ચાણક્યપુર બ્રિજ પાસે પણ ટાયર ક્લિર બમ્પ મૂકાયા છે. શહેરના ચાણક્યપુરી બ્રિજ પાસે પ્રભાતચોક તરફ સર્વિસ રોડ ઉપર ટાયર કિલર બમ્પ લગાવવામાં આવ્યા છે. જેમાં સફળતા મળી હોવાનું માની શહેરમાં અન્ય સ્થળે પણ ટાયર કિલર બમ્પ લગાવવાનો ર્નિણય કરવામાં આવ્યો છે.
એક રિપોર્ટ મુજબ, અમદાવાદમાં હેબતપુર ઓવરબ્રિજ, સોલા બ્રિજ નીચે, કારગિલ ચાર રસ્તા, સોલા સિવિલ, ભાગવત ચાર રસ્તા, ગોતા ચાર રસ્તા, ઉજાલા સર્કલ, સાણંદ સર્કલ, વાયએમસીએ ક્લબ, પ્રહલાદ નગર ચાર રસ્તા, કર્ણાવતી ચાર રસ્તા, ઈસ્કોન ચાર રસ્તા, પકવાન ચાર રસ્તા, પકવાન પાસે આવેલા બંને બ્રિજના છેડે, ગુરુદ્વારા ચાર રસ્તા, કર્ણમુક્તેશ્વર મહાદેવ (એરપોર્ટ), સુતરના કારખાના ત્રણ રસ્તા, નાના ચિલોડા બ્રિજના દક્ષિણ છેડે, શાસ્ત્રી પેટ્રોલ પંપની બાજુમાં બહુમાળી મુખ્યમંત્રી ગૃહ યોજના ચાર રસ્તા, ચાણક્યપુરી બ્રિજ અને પ્રભાત ચોક, જજીસ બંગલો ચાર રસ્તા, શ્યામલ બ્રિજ, કારગિલ ચાર રસ્તા પાસેથી પસાર થતાં બ્રિજની નીચે બંને બાજુ લગાવવામાં આવશે. અહીં નોંધનીય છે કે હાલ એક ટાયર કિલર ચાણક્યપુરી બ્રિજ પાસે લગાવવામાં આવ્યો છે.
રિપોર્ટ મુજબ, આ લોકેશન આઈડેન્ટિફાય કરીને ટ્રાફિક વિભાગે કોર્પોરેશનને માહિતી પૂરી પાડી છે. જ્યાં છસ્ઝ્રની ટીમ પહોંચીને ટાયર કિલર બમ્પ લગાવશે. આ જગ્યાએ જ્યારે રોંગ સાઈડમાં જતાં લોકોને રોંગ સાઈડમાં જવાનું કારણ પૂછવામાં આવ્યું ત્યારે તેમણે નજીકમાં જવું છે તેમજ આગળ રસ્તો બંધ છે તેવા કારણો દર્શાવ્યા હતા. જે કારણ માનવામાં પણ ના આવે કે કોઈના ગળે પણ ના ઉતરે. પરં,તુ લોકો આ પ્રકારે કારણો આગળ ધરીને જવાબદારીમાંથી છટકી રહ્યા છે અને સીધી રીતે નિયમનો ભંગ કરીને અકસ્માતોની સંભાવના વધારી રહ્યા છે. આ જ પરિસ્થિતિને કંટ્રોલમાં લાવવા માટે ટ્રાફિક વિભાગ અને કોર્પોરેશન એક્શનમાં આવ્યું છે અને શહેરમાં ટાયર કિલર બમ્પ લગાવવાનું શરૂ કર્યું છે.
