ઓક્ટોબર મહિનો સમાપ્ત થવાના આરે છે. આ પછી નવેમ્બર શરૂ થશે. આવતા મહિને એટલે કે નવેમ્બર ૨૦૨૩માં ઘણા તહેવારો આવી રહ્યા છે. આવી સ્થિતિમાં બેંકોમાં બમ્પર રજાઓ મળવાની છે. રજાઓના કારણે બેંકોને લગતા ગ્રાહકોના કામ પર અસર પડી શકે છે. જાે તમારે પણ બેંકને લગતું કોઈ કામ કરવાનું હોય તો જલ્દીથી જલ્દી કરી લો જેથી તમને પાછળથી પસ્તાવું ન પડે. રિઝર્વ બેંક ઓફ ઈન્ડિયાના નિર્દેશો મુજબ, બેંકો તમામ જાહેર રજાઓ અને અમુક પ્રાદેશિક રજાઓ પર ચોક્કસ રાજ્યના આધારે બંધ રહેશે. પ્રાદેશિક રજાઓ રાજ્ય સરકાર દ્વારા નક્કી કરવામાં આવે છે.
રિઝર્વ બેંક ઓફ ઈન્ડિયાની રજાઓની યાદી અનુસાર, આગામી મહિનામાં કુલ ૧૬ દિવસની રજાઓ હશે. જેમાં શનિવાર અને રવિવારની રજાઓનો પણ સમાવેશ થાય છે. ખરેખર, નવેમ્બર મહિનામાં ૪ રવિવાર આવે છે. આ સાથે, બીજા અને ચોથા શનિવારે બેંક રજા છે, એટલે કે આ ૬ રજાઓ સમગ્ર દેશમાં નિશ્ચિત છે. આવી સ્થિતિમાં, ચાલો જાણીએ કે આગામી મહિનામાં બેંકો ક્યારે બંધ રહેશે. બેંકો બંધ હોવા છતાં, ગ્રાહકો ઘણા પ્રકારના કાર્યો ડિજિટલ રીતે પૂર્ણ કરી શકે છે. ેંઁૈં, મોબાઈલ બેંકિંગ, ઈન્ટરનેટ બેંકિંગ જેવી ડિજિટલ સેવાઓ પર બેંક રજાઓની કોઈ અસર નથી. આવી સ્થિતિમાં, જાે તમારું કોઈપણ કામ ડિજિટલી થઈ શકે છે, તો તેના પર રજાઓની કોઈ અસર નહીં થાય. તમે તમારું કામ આરામથી પૂર્ણ કરી શકશો.
