Income Tax
Income Tax: નાણાકીય વર્ષ 2023-24 માટે આવકવેરા રિટર્ન ભરવાની છેલ્લી તારીખ 31 જુલાઈ 2024 હતી, જે હવે પસાર થઈ ગઈ છે. જો તમે રિટર્ન ભરવાનું ચૂકી ગયા હો, તો લેટ ફી સાથે રિટર્ન ફાઈલ કરવાનો વિકલ્પ હજુ પણ ઉપલબ્ધ છે.
લેટ ફી કેટલી હશે?
જો તમારી વાર્ષિક આવક 5 લાખ રૂપિયા સુધી છે તો તમારે 1000 રૂપિયાની લેટ ફી ચૂકવવી પડશે.
જો તમારી આવક 5 લાખ રૂપિયાથી વધુ છે તો તમારે 5,000 રૂપિયાની લેટ ફી ચૂકવવી પડશે.
આવકવેરા રિટર્ન કેવી રીતે ફાઇલ કરવું?
- આવકવેરા વિભાગની સત્તાવાર વેબસાઇટની મુલાકાત લો.
- પાન કાર્ડ નંબરનો ઉપયોગ કરીને લોગિન કરો.
- આવક પ્રમાણે યોગ્ય ITR ફોર્મ પસંદ કરો.
- મૂલ્યાંકન વર્ષ – નાણાકીય વર્ષ 2023-24 માટે AY 2024-25 પસંદ કરો.
- જરૂરી માહિતી, આવક અને કપાત ભરો.
- ₹5,000 ની લેટ ફી લાગુ થયા પછી રિટર્ન સબમિટ કરો અને આધાર OTP વડે વેરિફિકેશન કરો.
જો 31મી ડિસેમ્બર સુધીમાં રિટર્ન ભરવામાં ન આવે તો શું?
જો 31 ડિસેમ્બર, 2024 સુધીમાં રિટર્ન ભરવામાં ન આવે તો આવકવેરા વિભાગ દ્વારા નોટિસ મોકલી શકાય છે. આ ઉપરાંત, તમારે દંડનો પણ સામનો કરવો પડી શકે છે.
આવકવેરા વિભાગ પાસે ઘણા સ્રોતોમાંથી તમારી આવક વિશેની માહિતી ઉપલબ્ધ છે, આવી સ્થિતિમાં જો તમે રિટર્ન ફાઇલ નહીં કરો તો તમને મુશ્કેલીનો સામનો કરવો પડી શકે છે. તેથી, સમયસર રિટર્ન ફાઇલ કરવું શ્રેષ્ઠ વિકલ્પ છે.
