વેજલપુર સબ રજિસ્ટાર કચેરીમાં રજિસ્ટાર તુલસીદાસ પુરુષોત્તમ મારકણાએ દસ્તાવેજ રજિસ્ટર કરાવી આપવા માટે દોઢ લાખ રૂપિયાની લાંચ લેતા રંગેહાથ ઝડપાયા હતા. શુક્રવારે ફરિયાદના આધારે એન્ટિ કરપ્શન બ્યૂરો (ACB) એ છટકું ગોઠવીને આરોપીની ધરપકડ કરીને વધુ તપાસ હાથ ધરી હતી. જેમાં શનિવારે લાંચિચા અધિકારી તુલસીદાસના ઘરેથી ૫૮ લાખ રૂપિયા રોકડા અને દારૂની ૧૨ જેટલી બોટલ મળી આવી હોવાનું સૂત્રો પાસેથી જાણવા મળ્યું છે. ACB પ્રોહિબિશન અંગે અલગથી ગુનો નોંધી વધુ તપાસ હાથ ધરી છે. એસીબી આરોપીના ઘરેથી મળી આવેલી રોકડ સિવાય તેની પાસે અન્ય કેટલી સંપત્તિ અને મિલકત છે તેની પણ તપાસ કરશે.
કેસની વિગતો એવી છે કે, અમદાવાદ શહેરના વેજલપુરમાં આવેલી રજિસ્ટાર કચેરીમાં તુલસીદાસ ક્લાસ-૩ અધિકારી તરીકે ફરજ બજાવે છે. ત્યારે વેજલપુરમાં આવેલી એક સોસાયટીના દસ્તાવેજાે રજિસ્ટર કરાવવા માટે તુલસીદાસે દોઢ લાખ રૂપિયાની લાંચ માંગી હતી. જાે કે, ફરિયાદી આ રૂપિયા આપવા ન માંગતો હોવાથી ACB સંપર્ક કર્યો હતો. જેના છટકામાં ફસાયેલા તુલસીદાસ દોઢ લાખની લાંચ લેતા રંગેહાથ ઝડપાઈ ગયા હતા. આરોપી તુલસીદાસે એક ફરિયાદી પાસેથી એક દસ્તાવેજ રજિસ્ટર કરાવી આપવાના ૫૦૦૦ કહ્યા હતા. આમ કુલ ૩૦ દસ્તાવેજ રજિસ્ટર કરાવી આપવાના દોઢ લાખ રૂપિયા માંગ્યા હતા. જેમાં આરોપીએ થોડા-થોડા કરીને તમામ દસ્તાવેજ રજિસ્ટર કરાવી આપવાનું જણાવ્યું હતું.
હવે આ કેસમાં તુલસીદાસની ધરપકડ બાદ પોલીસ અગાઉ કેટલી વખત કોની કોની પાસેથી કયા કામો લાંચ લીધી છે, તેની પણ તપાસ કરી રહી છે. શનિવારે તુલસીદાસના ઘરમાં સર્ચ દરમિયાન પોલીસને ૫૮ લાખ રોકડા મળી આવતા આ કેસમાં હવે નવો વળાંક આવ્યો છે. આ કેસમાં અન્ય લોકોને સંડોવણી પણ બહાર આવે તો નવાઈ નથી. ૩ દિવસ પહેલા ગાંધીનગર જિલ્લાના માણસા પોલીસ સ્ટેશનના ASI ૬૦ હજાર રૂપિયા લાંચ લેતા રંગેહાથ ઝડપાયા હતા. વિગતો અનુસાર ફરિયાદી સામે માણસા પોલીસ સ્ટેશન ખાતે પ્રોહિબિશનનો ગુનો દાખલ કરાયો હતો. જેમાં માર ન મારવા અને જામીન ઉપર છોડવા માટે ASI મુકેશસિંહે ફરિયાદી પાસેથી ૬૦૦૦૦ રૂપિયા માગ્યા હતા. જે લાંચના નાણાં ફરિયાદી આપવા માંગતા હોવાથી ફરિયાદીએ ACB સંપર્ક કર્યો હતો. જેના છટકામાં ASI લાંચના ૬૦૦૦૦ સ્વીકારતા રંગેહાથ ઝડપી લીધા હતા.
