India’s GDP: દેશની જીડીપીમાં ઝડપી વૃદ્ધિથી વિશ્વમાં સ્થાન મજબૂત થયું
ભારતનો GDP: ભારત હવે વિશ્વનું ચોથું સૌથી મોટું અર્થતંત્ર બની ગયું છે. IMF ના ડેટા અનુસાર, ભારતનો GDP હવે $4 ટ્રિલિયનને વટાવી ગયો છે.
India’s GDP: ભારતે ફરી એકવાર આર્થિક મોરચે ઝંડો લહેરાવ્યો છે. ભારત હવે જાપાનને પાછળ છોડીને વિશ્વની ચોથી સૌથી મોટી અર્થવ્યવસ્થા બની ગયું છે. આનો અર્થ એ થયો કે હવે ભારતથી ફક્ત ત્રણ દેશો આગળ છે.
નીતિ આયોગના સીઈઓ બી.વી.આર. સુબ્રમણ્યમે શનિવારે કહ્યું કે ભારત હવે વિશ્વની ચોથી સૌથી મોટી અર્થવ્યવસ્થા બની ગયું છે. IMF ના ડેટા અનુસાર, ભારતનો GDP હવે 4 ટ્રિલિયન ડોલરને વટાવી ગયો છે.
નીતિ આયોગની ૧૦મી ગવર્નિંગ કાઉન્સિલની બેઠક બાદ પત્રકારો સાથેની વાતચીત દરમિયાન આર. સુબ્રહ્મણ્યમએ જણાવ્યું,
“વર્તમાન વૈશ્વિક રાજકીય અને આર્થિક વાતાવરણ ભારતના હિતમાં છે. હું હાલમાં જ્યારે વાત કરી રહ્યો છું, ત્યારે ભારત હવે વિશ્વનું ચોથી સૌથી મોટી અર્થવ્યવસ્થા બની ચુક્યું છે. IMFના જણાવ્યા અનુસાર, આજે ભારતની અર્થવ્યવસ્થા જાપાનની અર્થવ્યવસ્થાથી પણ મોટી થઈ ગઈ છે.”
ત્રણ દેશ જ હવે ભારતથી આગળ
નીતિ આયોગના CEOએ આગળ કહ્યું કે હવે ફક્ત અમેરિકા, ચીન અને જર્મની જ ભારતથી મોટી અર્થતંત્રો છે. જો પરિસ્થિતિ સારી રહી, તો આગામી ૨.૫ થી ૩ વર્ષમાં ભારત વિશ્વનું ત્રીજું સૌથી મોટું અર્થતંત્ર બની જશે.
અમેરિકાના રાષ્ટ્રપતિ ડોનાલ્ડ ટ્રમ્પ દ્વારા આપવામાં આવેલી એપલની ધમકી અંગે સુબ્રહ્મણ્યમે કહ્યું, “ટેરીફ શું થશે તે હજુ સ્પષ્ટ નથી. પરંતુ વર્તમાન પરિસ્થિતિને જોતા ભારત મેન્યુફેક્ચરિંગ માટે એક કિફાયતી સ્થળ બની રહેશે.” તેમણે આ પણ જણાવ્યું કે એસેટ મોનેટાઇઝેશનના બીજા તબક્કાની તૈયારીઓ ચાલી રહી છે અને તેને ઓગસ્ટમાં લોન્ચ કરવામાં આવશે.
