India Forex Reserve
India Forex Reserve: સપ્ટેમ્બરના અંતે, વિદેશી મુદ્રા ભંડાર $704.88 બિલિયનની સર્વકાલીન ઉચ્ચતમ સપાટીએ પહોંચી ગયો હતો. ત્યારપછી છેલ્લા કેટલાય સપ્તાહોથી તેમાં ઘટાડો થઈ રહ્યો છે.
India Forex Reserve: 15 નવેમ્બરના રોજ પૂરા થયેલા સપ્તાહમાં દેશનું વિદેશી વિનિમય અનામત $17.76 બિલિયન ઘટીને US $657.89 બિલિયન થઈ ગયું છે. RBIના તાજેતરના ડેટા અનુસાર, છેલ્લા સપ્તાહમાં ભારતના વિદેશી મુદ્રા ભંડારમાં લગભગ 18 અબજ ડોલરનો ઘટાડો નોંધાયો છે. રિઝર્વ બેંક ઓફ ઈન્ડિયા (RBI) એ શુક્રવારે આ જાણકારી આપી. ગયા અઠવાડિયે દેશની વિદેશી મુદ્રા ભંડાર 6.47 અબજ ડોલર ઘટીને 675.65 અબજ ડોલર થયું હતું.
ફોરેન એક્સચેન્જ રિઝર્વમાં અત્યાર સુધીના ઉચ્ચ સ્તરેથી $47 બિલિયનનો ઘટાડો થયો છે
સપ્ટેમ્બરના અંતે વિદેશી મુદ્રા ભંડાર $704.88 બિલિયનની સર્વકાલીન ઉચ્ચતમ સપાટીએ પહોંચી ગયો હતો. ત્યારપછી છેલ્લા કેટલાય સપ્તાહોથી તેમાં ઘટાડો થઈ રહ્યો છે. જો સર્વોચ્ચ સ્તરેથી જોવામાં આવે તો, દેશના વિદેશી હૂંડિયામણ ભંડારમાં 47 અબજ ડોલર ($46.99 અબજ)નો ઘટાડો થયો છે.
વિદેશી ચલણ સંપત્તિનો ડેટા જાણો
શુક્રવારે રિઝર્વ બેંક દ્વારા જારી કરવામાં આવેલા આંકડા અનુસાર, વિદેશી મુદ્રા ભંડારનો મહત્વપૂર્ણ ભાગ ગણાતી વિદેશી મુદ્રા સંપત્તિ 15 નવેમ્બરના રોજ પૂરા થયેલા સપ્તાહમાં $15.55 બિલિયન ઘટીને $569.83 બિલિયન થઈ ગઈ છે. વિદેશી ચલણ અસ્કયામતો, ડૉલરના સંદર્ભમાં વ્યક્ત કરવામાં આવે છે, જેમાં વિદેશી હૂંડિયામણ અનામતમાં રાખવામાં આવેલ યુરો, પાઉન્ડ અને યેન જેવી બિન-યુએસ કરન્સીમાં ચાલની અસરનો સમાવેશ થાય છે.
ભારતની ગોલ્ડ રિઝર્વમાં પણ ઘટાડો થયો છે
સમીક્ષા હેઠળના સપ્તાહમાં સોનાના ભંડારનું મૂલ્ય $2.07 બિલિયન ઘટીને $65.75 બિલિયન થયું છે. સ્પેશિયલ ડ્રોઈંગ રાઈટ્સ (SDR) $94 મિલિયન ઘટીને $18.06 બિલિયન થયા છે. રિઝર્વ બેંકના ડેટા અનુસાર, 15 નવેમ્બરના રોજ પૂરા થયેલા સપ્તાહમાં ઈન્ટરનેશનલ મોનેટરી ફંડ (IMF) પાસે ભારતની અનામત $51 મિલિયન ઘટીને $4.25 બિલિયન થઈ ગઈ છે. સપ્ટેમ્બરના અંતમાં વિદેશી મુદ્રા ભંડાર $704.88 બિલિયનના સર્વોચ્ચ સ્તરે પહોંચી ગયો હતો. ત્યારપછી છેલ્લા કેટલાય સપ્તાહોથી તેમાં ઘટાડો થઈ રહ્યો છે.
