IND vs ENG 3rd Test: ભારતીય બોલિંગમાં નવો ફેરફાર, આકાશદીપ બની રહ્યા છે કેપ્ટન ગિલના નવા મુખ્ય હથિયાર
IND vs ENG 3rd Test: ભારત અને ઇંગ્લેન્ડ વચ્ચે લંડનના લોર્ડ્સ ગ્રાઉન્ડ પર રમાઈ રહેલી ત્રીજી ટેસ્ટ મેચમાં ભારતીય ટીમના પ્લેઇંગ ઈલેવનમાં મહત્વપૂર્ણ ફેરફાર કરવામાં આવ્યો છે. ટીમના કેપ્ટન શુભમન ગિલએ ફરી એકવાર એક તકનિકી નિર્ણય લેતાં મોહમ્મદ સિરાજને પ્રથમ સ્પેલમાંથી હટાવી, તેના બદલે જસપ્રીત બુમરાહ અને આકાશદીપ પર વિશ્વાસ વ્યક્ત કર્યો છે. આથી સ્પષ્ટ થાય છે કે આ બંને બોલરો હવે ગિલના સૌથી વિશ્વસનીય ફાસ્ટ બોલર્સ તરીકે ઉભરી રહ્યા છે.
બુમરાહ અને આકાશદીપની ઓપનિંગ જોડી
ટેસ્ટ મેચમાં ભારતીય બોલિંગની શરૂઆત બુમરાહ અને આકાશદીપે કરી. બંને બોલર્સે શાનદાર લાઈન અને લેન્થ સાથે ઈંગ્લેન્ડના ટોચના બેટ્સમેન સામે દબાણ સર્જ્યું. બોલ નવી હોવાનું ફાયદો ઉઠાવી, બંનેએ ચાર-ચાર ઓવરના ઊર્જાવાન સ્પેલ આપ્યા. આ પછી જ ગિલે ત્રીજા વિકલ્પ તરીકે સિરાજને બોલિંગ સોંપી.
આકાશદીપ પર વિશ્વાસ પાછળનું કારણ સ્પષ્ટ છે
આકાશદીપે બર્મિંગહામ ટેસ્ટમાં એ તેવી કામગીરી કરી કે તેણે પોતાનું સ્થાન પક્કું કરી દીધું. તેણે પ્રથમ ઇનિંગમાં 4 અને બીજી ઇનિંગમાં 6 વિકેટ લઈને મેચમાં કુલ 10 વિકેટ ઝડપી હતી. આ નોંધપાત્ર પ્રદર્શનથી ભારતે ઇંગ્લેન્ડ સામે 336 રનથી મોટી જીત હાંસલ કરી હતી. તેટલું જ નહીં, તેણે મિડલ ઓવરમાં પણ નિર્ધારિત લાઈનથી બોલિંગ કરીને કેપ્ટનને મજબૂત સહારો આપ્યો છે.
સિરાજને ત્રીજા વિકલ્પ તરીકે જોવા મળ્યો
મોહમ્મદ સિરાજ આ શ્રેણીમાં એકમાત્ર ફાસ્ટ બોલર રહ્યો છે જે દરેક મેચમાં રમ્યો છે, પરંતુ લોર્ડ્સ ટેસ્ટમાં તેની ભૂમિકા બદલી છે. શરૂઆતની જગ્યાએ હવે તે ત્રીજા વિકલ્પ તરીકે ઉતર્યો છે, જે દર્શાવે છે કે ટીમ મેનેજમેન્ટ આકાશદીપના સતત પ્રભાવશાળી પ્રદર્શનથી પ્રભાવિત છે.
આમ, ભારતીય ટીમની બોલિંગ રણનીતિમાં મોટો ફેરફાર જોવા મળ્યો છે, જ્યાં સિરાજ પાછળ, હવે બુમરાહ અને આકાશદીપ ટીમના મુખ્ય ભરોસાપાત્ર વિકલ્પ બની રહ્યા છે. આવનારા દિવસોમાં આ જોડીની ભૂમિકા ટીમ ઈન્ડિયાની સફળતામાં મહત્ત્વની સાબિત થઈ શકે છે.
