Google: ગૂગલે તેની મેસેજિંગ એપમાં ઘણા નવા ફીચર્સ એડ કર્યા છે. આ નવા ફીચર્સ ફોન પર આવતા સ્પામ કોલ અને મેસેજને ફિલ્ટર કરવામાં મદદ કરશે. આ ફીચર્સને રોલ આઉટ કરતી વખતે ગૂગલે ચેતવણી આપી છે કે કોઈપણ પ્રકારના ફેક મેસેજને રિયલ ટાઈમમાં ઓળખી શકાય છે. ગૂગલે આ માટે જેમિની AIને સપોર્ટ કર્યો છે. આ ફીચર આંતરરાષ્ટ્રીય નંબરો પરથી આવતા મેસેજને ઓળખશે. જો શંકાસ્પદ મેસેજ અને કોલ્સ મોકલવામાં આવશે, તો તેને બ્લોક કરી દેવામાં આવશે.
ગૂગલે મેસેજિંગ એપમાં સ્પામ પ્રોટેક્શન ફીચર ઉમેર્યું છે, જે કોઈપણ અજાણ્યા નંબર પરથી આવતા મેસેજને સ્પામ લિસ્ટમાં મૂકશે. Googleની આ સુવિધા વાતચીતને ઓળખવા માટે ઓન-ડિવાઈસ મશીન લર્નિંગનો ઉપયોગ કરે છે. Google દાવો કરે છે કે આ ટેક્સ્ટ સંદેશાઓ ખાનગી રહેશે જ્યાં સુધી તેની સ્પામ તરીકે જાણ કરવામાં ન આવે.
ગૂગલના સ્પામ પ્રોટેક્શન ફીચરની સાથે ખતરનાક અને નકલી લિંક્સને બ્લોક કરવા માટેનું ફીચર પણ ઉમેરવામાં આવ્યું છે. આ ફીચર ભારતમાં તેમજ થાઈલેન્ડ, મલેશિયા અને સિંગાપોરમાં રોલઆઉટ કરવામાં આવ્યું છે. જો અજાણ્યા નંબર પરથી આવતા કોઈપણ મેસેજમાં લિંક હશે તો તમને જાણ કરવામાં આવશે અને પછી બ્લોક કરવામાં આવશે.આ સિવાય ગુગલ મેસેજમાં શંકાસ્પદ કન્ટેન્ટને લઈને ચેતવણી પણ આપશે. આવી કોઈપણ શંકાસ્પદ સામગ્રીને અસ્પષ્ટ કરવામાં આવશે જેથી કરીને તે વપરાશકર્તાઓને દેખાશે નહીં. આ એન્ડ-ટુ-એન્ડ એન્ક્રિપ્શન આધારિત ફીચર છે, જે ઓન-ડિવાઈસ મશીન લર્નિંગનો ઉપયોગ કરીને સામગ્રીને બ્લર કરશે.
Google Messagesમાં કોન્ટેક્ટ વેરિફિકેશન ફીચર પણ બહાર પાડવામાં આવ્યું છે. આ ફીચર મેસેજને મોકલતા પહેલા ચેક કરશે. આ ફીચર એન્ડ્રોઇડ 9 અથવા તેનાથી ઉપરના ઓપરેટિંગ સિસ્ટમમાં કામ કરશે.
ગૂગલે આ ફીચરને ઇન્ટરનેશનલ કોલ્સને ઓટોમેટીક હાઇડ કરવા માટે રોલઆઉટ કર્યું છે. જો કે, તે માત્ર સિંગાપોરના વપરાશકર્તાઓ માટે પાઇલટ પ્રોજેક્ટ તરીકે લોન્ચ કરવામાં આવ્યું છે.
