ભારતીય શેરબજાર આ અઠવાડિયે સતત ત્રીજા દિવસે તેજી સાથે બંધ થયું છે. જાેકે, આ તેજી બજાર બંધ થવાના છેલ્લા કલાકમાં આવી છે. એફએમસીજી ફાર્મા શેરોમાં ખરીદીને કારણે બજાર લીલા નિશાન સાથે બંધ થયું. બીએસઈસેન્સેક્સ ૧૦૦ પોઈન્ટના ઉછાળા સાથે ૬૫,૮૮૦ પર અને નેશનલ સ્ટોક એક્સચેન્જનો નિફ્ટી ૩૬ પોઈન્ટના ઉછાળા સાથે ૧૯,૬૧૧ પર બંધ થયો હતો.
આજના કારોબારમાં ફાર્મા, એફએમસીજી, એનર્જી, મીડિયા, ઈન્ફ્રા, કન્ઝ્યુમર ડ્યુરેબલ્સ, હેલ્થકેર, ઓઈલ અને ગેસ સેક્ટરના શેરમાં ખરીદારી જાેવા મળી રહી છે. જ્યારે આઈટી, ઓટો, બેન્કિંગ, મેટલ્સ, રિયલ એસ્ટેટ શેરો ઘટીને બંધ રહ્યા હતા.મિડ-કેપ અને સ્મોલ-કેપ શેરોમાં તેજી ચાલુ રહી હતી અને બંને સૂચકાંકો વધારા સાથે બંધ થયા હતા. સેન્સેક્સના ૩૦ શેરોમાંથી ૧૫ વધ્યા અને ૧૫ નુકસાન સાથે બંધ થયા. જ્યારે નિફ્ટીના ૫૦ શેરોમાંથી ૨૯ શેર વધીને અને ૨૧ ઘટીને બંધ રહ્યા હતા.
આજે બીએસઈપર લિસ્ટેડ કંપનીઓની કુલ માર્કેટ કેપિટલાઇઝેશન ૬ સપ્ટેમ્બરના રોજ વધીને રૂ. ૩૧૭.૩૬ લાખ કરોડ થઈ હતી, જે તેના અગાઉના ટ્રેડિંગ ડે એટલે કે મંગળવાર, ૫ સપ્ટેમ્બરે રૂ. ૩૧૬.૬૪ લાખ કરોડ હતી. આ રીતે બીએસઈમાં લિસ્ટેડ કંપનીઓના માર્કેટ કેપમાં આજે લગભગ ૭૨ હજાર કરોડ રૂપિયાનો વધારો થયો છે. અથવા બીજા શબ્દોમાં કહીએ તો રોકાણકારોની સંપત્તિમાં લગભગ ૭૨ હજાર કરોડ રૂપિયાનો વધારો થયો છે. બીએસઈલિસ્ટેડ કંપનીઓનું માર્કેટ કેપિટલાઇઝેશન છેલ્લા ટ્રેડિંગ સપ્તાહના છેલ્લા દિવસે એટલે કે આ સપ્તાહના શુક્રવાર અને સોમવાર અને મંગળવારના રોજ સર્વકાલીન ઉચ્ચ સ્તરે પહોંચી ગયું હતું, કારણ કે સતત ત્રણ દિવસ સુધી બજારમાં સતત તેજી જાેવા મળી હતી.ગઈકાલે મંગળવારે, બીએસઈના લિસ્ટેડ શેરોનો એમકેપ વધીને રૂ. ૩૧૬.૬૪ લાખ કરોડની નવી ઓલ-ટાઇમ હાઈએ પહોંચ્યો હતો. મંગળવારે બીએસઈબેન્ચમાર્ક ઈન્ડેક્સ ૧૫૨.૧૨ પોઈન્ટ અથવા ૦.૨૩ ટકા વધીને ૬૫,૭૮૦.૨૬ પર બંધ થયો હતો. દિવસ દરમિયાન, તે ૨૦૩.૫૬ પોઈન્ટ અથવા ૦.૩૧ ટકા વધીને ૬૫,૮૩૧.૭૦ પર પહોંચ્યો હતો. છેલ્લા ત્રણ દિવસમાં બીએસઈ ૯૪૮.૮૫ પોઈન્ટ એટલે કે ૧.૪૬ ટકા વધ્યો છે.
