Electricity Prices: NSE પર ‘ઈલેક્ટ્રિસિટી ફ્યુચર્સ’ શરૂ થવાની તૈયારી

Electricity Prices:  વીજળીના ભાવ હવે બજારથી નક્કી થશે

Electricity Prices: વીજળી ફ્યુચર્સ એક પ્રકારનો કરાર છે જેમાં ખરીદનાર અને વેચનાર ભવિષ્યમાં કોઈ દિવસે વીજળીનો ભાવ શું હશે તે અગાઉથી નક્કી કરે છે. આમાં, વાસ્તવિક વીજળીની કોઈ ડિલિવરી થતી નથી, ફક્ત કિંમતોનો વ્યવહાર થાય છે.

Electricity Prices: નેશનલ સ્ટોક એક્સચેન્જ (NSE)એ વીજળીના વેપારને શેરબજાર સાથે જોડતા એક મોટા કદમની શરૂઆત કરી છે. NSEએ જાહેરાત કરી છે કે 11 જુલાઈ 2025 થી તે “Electricity Futures” એટલે વીજળીના ફ્યુચર કરારની ટ્રેડિંગ શરૂ કરશે. આ માટે એક ખાસ પ્રોત્સાહક યોજના (Liquidity Enhancement Scheme – LES) પણ શરૂ કરવામાં આવી રહી છે.

ઇલેક્ટ્રિસિટી ફ્યુચર્સ શું છે?

ઇલેક્ટ્રિસિટી ફ્યુચર્સ એ એક પ્રકારનો કરાર (contract) હોય છે, જેમાં ખરીદનાર અને વેચનાર પહેલેથી નક્કી કરી લે છે કે ભવિષ્યમાં કોઈ નિશ્ચિત દિવસે વીજળીની કિંમત કેટલી હશે. તેમાં વાસ્તવિક વીજળીનું વિતરણ નહીં થાય, ફક્ત કિંમતનો વ્યવહાર કરવામાં આવે છે.

ઉદાહરણ તરીકે, જો કોઈને લાગે કે આવતા દિવસોમાં વીજળી મોંઘી થશે, તો તે હવે સસ્તી કિંમતે સોદો કરી લે છે. આથી જોખમ ઘટે છે. આ ટ્રેડિંગમાં લોકો, કંપનીઓ કે જે વીજળી ખરીદે છે, વીજળી બનાવતી કંપનીઓ, વીજળી ટ્રાન્સફર કરતી કંપનીઓ અને SEBI પાસેથી મંજૂરી પ્રાપ્ત નાણાકીય સંસ્થાઓ ભાગ લઈ શકે છે.