Elcid Investments
ધનતેરસના અવસરે શાનદાર વળતર આપનાર એલસીડ ઇન્વેસ્ટમેન્ટ્સના શેરોએ વધુ એક રેકોર્ડ બનાવ્યો છે. બુધવાર, 6 નવેમ્બરે, તેનો શેર 5 ટકાના ઉછાળા સાથે રૂ. 301521.40ની ઇન્ટ્રાડે હાઈ પર પહોંચ્યો હતો. આ સાથે આ શેરે 52 સપ્તાહની તેની નવી ઓલ ટાઈમ હાઈ બનાવી છે. રસપ્રદ વાત એ છે કે થોડા સમય પહેલા સુધી આ સ્ટોકની કિંમત માત્ર 3 રૂપિયા હતી, પરંતુ દિવાળી દરમિયાન તે અચાનક વધીને 2,36,250 રૂપિયા થઈ ગઈ. એટલું જ નહીં, તેણે દેશના સૌથી મોંઘા સ્ટોક MRFને પણ પાછળ છોડી દીધું છે.
દેશનો સૌથી મોંઘો સ્ટોક બની ગયો છે. કંપનીના શેરે બુધવારે રૂ.3 લાખને પાર કરીને નવો રેકોર્ડ બનાવ્યો છે. જેના કારણે શેરોમાં પૈસા રોકનારાઓની ચાંદી થઈ ગઈ છે. છેલ્લા ચાર ટ્રેડિંગ દિવસોથી આ શેર સતત 5% ની અપર સર્કિટ અનુભવી રહ્યો છે. રોકાણકારો આ શેરની સતત ખરીદી કરી રહ્યા છે. બમ્પર ખરીદીને કારણે આ શેર પાંચ દિવસમાં 21% એટલે કે રૂ. 53,458.90થી વધુ વધ્યો છે
એલસીડ ઇન્વેસ્ટમેન્ટ્સના શેરમાં આ વધારો BSE દ્વારા 29 ઓક્ટોબરે હોલ્ડિંગ કંપનીઓની કિંમત અંગે હાથ ધરવામાં આવેલી સ્પેશિયલ કોલ ઓક્શન બાદ થયો હતો. આ પછી, 29 ઓક્ટોબરના રોજ શેરને BSE પર ફરીથી લિસ્ટ કરવામાં આવ્યો હતો, જ્યારે રોકાણકારો તેને ખરીદવા માટે દોડી આવ્યા હતા અને શેર રૂ. 2,36,250 પર પહોંચી ગયો હતો. એક જ દિવસમાં 66,92,535%નો ઉછાળો જોવા મળ્યો હતો. આ વર્ષે 21 જૂને આ શેરની કિંમત માત્ર 3.51 રૂપિયા હતી.
