E-Commerce
આંકડા અને કાર્યક્રમ અમલીકરણ મંત્રાલય ડિજિટલ પ્લેટફોર્મ પર ઉપલબ્ધ માલસામાન અને સેવાઓના ભાવને ટ્રેક કરવા માટે ઈ-કોમર્સ પ્રાઇસ ઈન્ડેક્સ રજૂ કરવાનું વિચારી રહ્યું છે. નવા ઈન્ડેક્સમાં ઈ-કોમર્સ કંપનીઓ દ્વારા લોકો ખરીદતી વસ્તુઓ અને સેવાઓના મૂલ્યના આંકડાકીય અંદાજો હશે.
સૂત્રોએ જણાવ્યું હતું કે, આ વર્તમાન કન્ઝયુમર પ્રાઇસ ઇન્ડેક્સ અને જથ્થાબંધ ભાવ સૂચકાંક પર આધારિત ફેક્ટરીઓમાંથી નીકળતા માલના ફુગાવાના આધારે છૂટક ફુગાવાને માપવાની તર્જ પર હશે. તેઓ અમને અનુક્રમે ગ્રાહકો અને ઉદ્યોગો દ્વારા ખરીદેલ માલસામાનની તુલનાત્મક કિંમતો જણાવશે. 
આ મહત્વપૂર્ણ બાબત છે કારણ કે, ગ્લોબલડેટાના ઈ-કોમર્સ એનાલિટિક્સ અનુસાર, ભારતનું ઈ-કોમર્સ માર્કેટ ૨૦૨૪માં રૂ. ૧૨.૨ લાખ કરોડથી વધીને ૨૦૨૮ સુધીમાં રૂ. ૨૪.૧ લાખ કરોડ થવાની શક્યતા છે. બીજી તરફ, જૂન ૨૦૨૩માં ભારતમાં ઈન્ટરનેટ કનેક્શન ૮૯૫ મિલિયન હતા, જ્યારે સ્માર્ટફોનની સંખ્યા ૨૦૨૫ સુધીમાં ૧.૧ અબજને પાર કરી જશે.
ઈન્ડેક્સ બનાવવા માટે, સરકારે ઈ-કોમર્સ કંપનીઓને છેલ્લા કેટલાક મહિનામાં વેચેલા વિવિધ સામાન અને સેવાઓનો ડેટા શેર કરવા જણાવ્યું છે. ડેટા એકત્રિત કરવા માટે વિવિધ મંત્રાલયો અને વિભાગોને પત્રો પણ મોકલવામાં આવ્યા છે.
સીપીઆઈની જેમ, નવા ઈ-કોમસ પ્રાઇસ ઈન્ડેક્સમાં ઈ-કોમર્સ દ્વારા વેચવામાં આવતી અન્ય વસ્તુઓની સાથે ફૂડ પ્રોડક્ટ્સ, એપેરલ અને ફૂટવેર, હાઉસિંગ, ઈંધણ અને પ્રકાશ, આરોગ્ય, શિક્ષણ, મનોરંજન અને મનોરંજનનો સમાવેશ થશે.
