TMKOC ટેલિવિઝન ઈન્ડસ્ટ્રીમાં જ્યારે પણ કોઈપણ કોમેડી ફેમિલી શોનો ઉલ્લેખ કરવામાં આવે છે, ત્યારે સૌથી પહેલું નામ મનમાં આવે છે તે છે તારક મહેતાનો ઉલ્ટા ચશ્મા. જેમના પાત્રો આજે પણ આપણા દિલમાં સ્થાન ધરાવે છે અને શોની મુખ્ય અભિનેત્રી દયા બહેનની વાત જ કંઈક બીજી છે. જો કે, તે હવે આ શોનો ભાગ નથી, પરંતુ તે હજી પણ દરેક ઘરમાં દયા બેહન તરીકે ઓળખાય છે. તાજેતરમાં, દયા બહેન ફરી એકવાર તારક મહેતા કા ઉલ્ટા ચશ્માની કાસ્ટ સાથે જોવા મળી હતી અને તે પછી, ફરી અટકળો શરૂ થઈ હતી કે તે શોમાં પરત ફરી રહી છે.
દિશા વાકાણી તારક મહેતાની કાસ્ટ સાથે જોવા મળી
ટેલિવિઝન અભિનેત્રી પલક સિંધવાનીએ તાજેતરમાં તેની ઇન્સ્ટા સ્ટોરી પર એક ફોટો શેર કર્યો છે, જેમાં તારક મહેતા કા ઉલ્ટા ચશ્માની કાસ્ટ જોવા મળી રહી છે. આમાં જૂની ભાભી અંજલિ, કોમલ ભાભી, સોનુની સાથે દિશા વાકાણી ઉર્ફે દયા બહેન પણ લાલ સૂટ પહેરીને પોતાની દીકરી સાથે પોઝ આપતી જોવા મળે છે. આ ફોટો સોશિયલ મીડિયા પર ઝડપથી વાયરલ થઈ રહ્યો છે અને લોકો તારક મહેતા કા ઉલ્ટા ચશ્મામાં દિશા વાકાણીના કમબેકની આશા રાખી રહ્યા છે. તમને જણાવી દઈએ કે દયા બેહેન ઉર્ફે દિશા વાકાણીએ વર્ષ 2017માં આ શોને અલવિદા કહી દીધું હતું, ત્યારથી અન્ય કોઈ દયા બહેને શોમાં એન્ટ્રી કરી નથી.
View this post on Instagram
તારક મહેતામાં દયા બેનનું પાત્ર પરત ફરશે
તારક મહેતા કા ઉલ્ટા ચશ્માના નિર્માતા અસિત મોદીએ તાજેતરમાં જ એક વિડિયો સંદેશમાં કહ્યું હતું કે દરેકની ફેવરિટ દયા બેન ટૂંક સમયમાં પરત આવવાની છે. તેમણે કહ્યું હતું કે ભલે અમે દિવાળી પર દયા બહેનને સોસાયટીમાં લાવી શક્યા નહોતા પરંતુ હવે થોડા જ દિવસોની વાત છે કે દયા બહેન ટૂંક સમયમાં ગોકુલધામ સોસાયટીમાં આવશે. તમને જણાવી દઈએ કે દયા બહેન આ શોમાં જેઠાલાલ ચંપકલાલ ગડાની પત્નીનો રોલ કરતી હતી. આ પાત્રે તારક મહેતાના શોમાં જીવ આપ્યો હતો, હવે જોવાનું એ રહે છે કે દિશા વાકાણીની જગ્યાએ દયા બેનનું પાત્ર કોણ ભજવે છે.
