Criminal Justice 4: બરખા સિંહની મુશ્કેલીનો પંકજ ત્રિપાઠીએ કર્યો ઉકેલ
ક્રિમિનલ જસ્ટિસ 4 લેટેસ્ટ ન્યૂઝ: પંકજ ત્રિપાઠીની બહુપ્રતિક્ષિત વેબ સિરીઝ ‘ક્રિમિનલ જસ્ટિસ 4’ ટૂંક સમયમાં રિલીઝ થવા જઈ રહી છે. આ શ્રેણીના એક ખાસ દ્રશ્યનું શૂટિંગ કરતી વખતે બરખા ખૂબ જ નારાજ થઈ ગઈ હતી. પછી પંકજ ત્રિપાઠીએ તેમને મદદ કરી.
Criminal Justice 4: અભિનેત્રી બરખા સિંહ એક પછી એક ઘણા પ્રોજેક્ટ્સ સાઇન કરી રહી છે. બરખા ભારતીય સિનેમાના સૌથી આશાસ્પદ અને પ્રતિભાશાળી ચહેરાઓમાંના એક તરીકે ઉભરી રહી છે. તેમણે ‘ધ સાબરમતી રિપોર્ટ’ ફિલ્મમાં મહત્વપૂર્ણ ભૂમિકા ભજવી હતી. આમાં તેણીએ વિક્રાંત મેસી સાથે અભિનય કર્યો હતો. તેમના પાત્રે દર્શકો પર અમીટ છાપ છોડી. આ અભિનેત્રી પોતાની અભિનય કુશળતાથી બધાનું દિલ જીતી રહી છે. અને બરખા સિંહને એક પછી એક ઘણા મોટા પ્રોજેક્ટ મળી રહ્યા છે. ટૂંક સમયમાં તે ક્રિમિનલ જસ્ટિસ શ્રેણીની ચોથી સીઝનમાં તેની આગામી મોટી છલાંગ માટે તૈયાર છે. ‘ક્રિમિનલ જસ્ટિસ 4’માં, બરખા પંકજ ત્રિપાઠી સાથે સ્ક્રીન શેર કરતી જોવા મળશે.
બરખાએ પંકજ ત્રિપાઠીની કરી પ્રશંસા
પંકજ ત્રિપાઠી વિશે વાત કરતા બરખા સિંહે કહ્યું, “ઈન્ડસ્ટ્રીના દિગ્ગજો સાથે કામ કરવાના અલગજ લાભ હોય છે. એવી એક વાતચીત જે મારા માટે ખાસ રહી, એ શરૂઆતના કેટલાક દિવસોમાં થઈ હતી જ્યારે અમે એક ખૂબ જ મહત્વપૂર્ણ અને ટેક્નિકલ સીનની શૂટિંગ કરી રહ્યાં હતા. જે રીતે હું એ સીન પર્ફોર્મ કરી રહી હતી એથી હું ખુશ નહોતી. મને લાગ્યું કે કદાચ બીજો કોઈ રીતે કરત તો વધારે સારું થાત.
સ્વાભાવિક રીતે, જ્યારે સુધી શૂટિંગ પૂરૂં થયું, ત્યારે હું થોડો પરેશાન થઈ ગઈ હતી કારણ કે રોહન સરને બીજો ટેક લેવા માટે કહેવું હવે મોડું થઈ ગયું હતું – આ પહેલી વખત હતું જ્યારે કોઈ સીન પછી મને આવું લાગ્યું હતું.
પંકજ સરે તરત જ મારી સ્થિતિ સમજી અને કહ્યું, ‘આ તો થતા જ રહે છે, મોટા મોટા એક્ટરો સાથે પણ એવું થાય છે…આ ઉદાસી સેટ પર જ છોડીને જજે, ઘેર નહિ લઇ જજે. કાલે આવજે અને ધમાલ મચાવજે.’ અને એ નાની વાતચીત જ મને સારું લાગાવવાનું કારણ બની ગઈ.”
View this post on Instagram
ટ્રેલરને મળ્યો લોકોનો પ્રેમ
થોડા સમય પહેલાં જ ‘ક્રિમિનલ જસ્ટિસ 4’નો ટ્રેલર રિલીઝ થયો હતો, જેને દર્શકો તરફથી ખૂબ જ પસંદગી મળી. હાલમાં સુધી બરખા સિંહનો રોલ ગુપ્ત રાખવામાં આવ્યો છે, પરંતુ ટ્રેલરમાં તેમની ટૂંકી પરંતુ આકર્ષક હાજરીએ પહેલાથી જ ઉત્સુકતા ઊભી કરી દીધી છે. આ હિટ ક્રાઈમ ડ્રામા સીરિઝના આગામી સીઝનમાં બરખા દર્શકોને એક નવી અને જુદી ભૂમિકા દ્વારા આશ્ચર્યચકિત કરવા તૈયાર છે.
