Cheapest electric car: ટાટા ટિયાગો EV પર ખાસ ઓફર છે જેમાં તમે ₹1 લાખ સુધી બચત
Cheapest electric car: જો તમે પેટ્રોલ-ડીઝલ કારના ખર્ચથી કંટાળી ગયા છો અને ઇલેક્ટ્રિક કાર ખરીદવાનું વિચારી રહ્યા છો, તો આ એક સારી તક છે. કારણ કે ટાટા મોટર્સ તેની ઇલેક્ટ્રિક કાર પર એક જબરદસ્ત ઓફર લઈને આવી છે. ટાટા તેની સૌથી સસ્તી ઇલેક્ટ્રિક કાર પર 1 લાખ રૂપિયા સુધીનું ડિસ્કાઉન્ટ આપી રહી છે.
Cheapest electric car: ટાટા ટિયાગો EV ઇલેક્ટ્રિક માર્કેટમાં ઉપલબ્ધ સૌથી સસ્તી 5-સીટર કાર છે. ટાટા જૂન મહિનામાં ટિયાગો EV પર 1 લાખ રૂપિયા સુધીનું મોટું ડિસ્કાઉન્ટ આપી રહી છે. ટિયાગો EV ના MY2024 મોડેલો પર સૌથી વધુ ડિસ્કાઉન્ટ આપવામાં આવી રહ્યું છે.
બેઝ મોડેલ XE પર 55,000 રૂપિયા સુધીનો ફાયદો મળી રહ્યો છે, જ્યારે XZ+ અને XZ+ ટેક લક્સ ACFC વેરિઅન્ટ પર 70,000 રૂપિયા સુધીનું ડિસ્કાઉન્ટ મળી રહ્યું છે. MY2024 ટિયાગો EV ના XT LR વેરિઅન્ટ પર 1 લાખ રૂપિયા સુધીનું સૌથી વધુ ડિસ્કાઉન્ટ મળી રહ્યું છે. MY2025 Tata Tiago EV ના બધા વેરિઅન્ટ પર 40,000 રૂપિયા સુધીનું ડિસ્કાઉન્ટ મળી રહ્યું છે.
ટાટા ટિયાગો EV શહેર માટે તૈયાર કરાયેલ એક શાનદાર ઇલેક્ટ્રિક હેચબેક કાર છે. તે પેટ્રોલ-ડીઝલ કારની તુલનામાં ઓછા ખર્ચે વાહન ચલાવવાનો આનંદ આપે છે.
ટાટા ટિયાગો EVના બેઝ મોડલની કિંમત ₹8.46 લાખથી શરૂ થાય છે અને ટોચના મોડલની કિંમત ઑન-રોડ દિલ્હી સુધી ₹11.86 લાખ સુધી જાય છે.
ટિયાગો EV ચાર વેરિયન્ટમાં ઉપલબ્ધ છે: XE, XT, XZ+ અને XZ+ ટેક લક્સ.
તેમાં મિડિયમ અને લૉંગ રેન્જના વિકલ્પ પણ ઉપલબ્ધ છે.
ટાટા ટિયાગો EVની રેન્જ
ગ્રાહકો ટાટા ટિયાગો EVને બે બેટરી પેક ઓપ્શન સાથે ખરીદી શકે છે: 19.2 kWh અને 24 kWh.
- 19.2 kWh મોડેલ સાથે કારની રેન્જ આશરે 250 કિમી છે.
- 24 kWh મોડેલ માટે રેન્જ આશરે 315 કિમી સુધી છે.
કારના વેરિઅન્ટના આધારે તે 3.3 kW અથવા 7.2 kW હોમ ચાર્જર સાથે આવે છે.
DC ફાસ્ટ ચાર્જિંગના માધ્યમથી ટિયાગો EVને માત્ર 57 મિનિટમાં 10% થી 80% સુધી ચાર્જ કરી શકાય છે.
ટાટા ટિયાગો EV ના ફીચર્સ
ટાટા મોટર્સે 28 સપ્ટેમ્બર 2022 ના રોજ ભારતમાં ટિયાગો EV લોન્ચ કરી હતી. ટિયાગો EVને 4-સ્ટાર સેફ્ટી રેટિંગ મળી છે.
કારની અંદર હરમેનનું ટચસ્ક્રીન ઇન્ફોટેનમેન્ટ સિસ્ટમ છે, જે એન્ડ્રોઇડ ઓટો અને એપલ કારપ્લેને સપોર્ટ કરે છે.
મોટરવાહનમાં હાઈટ-એડજસ્ટેબલ ડ્રાઈવર સીટ, ઓટોમેટિક ક્લાઇમેટ કન્ટ્રોલ અને માઉન્ટેડ કન્ટ્રોલ સાથે ફ્લેટ બોટમ સ્ટિયરિંગ વ્હીલ છે.
આ ઉપરાંત કારમાં મલ્ટિ-ડ્રાઇવ મોડ, ક્રૂઝ કન્ટ્રોલ, સ્માર્ટવોચ કોમ્પેટિબિલિટી સાથે કનેક્ટેડ ફીચર્સ, ચાર સ્પીકર અને ટ્વિટર, રિ-જેન મોડ (0, 1, 2 અને 3), TPMએસ અને લેડરેટ સીટ અપહોલ્સ્ટ્રી ઉપલબ્ધ છે.
