Cabinet : બુધવારે એક મહત્વપૂર્ણ નિર્ણય લેતા, કેન્દ્રીય કેબિનેટે સમગ્ર દેશમાં ગ્રેટર નોઇડાની તર્જ પર 12 ઔદ્યોગિક સ્માર્ટ શહેરોની સ્થાપનાને મંજૂરી આપી. કેન્દ્રીય મંત્રી અશ્વિની વૈષ્ણવે આ જાણકારી આપી. ANIના સમાચાર અનુસાર, વડાપ્રધાન નરેન્દ્ર મોદીની આગેવાની હેઠળની કેબિનેટે આ નિર્ણયને મંજૂરી આપી છે. આ સ્માર્ટ સિટી નેશનલ ઈન્ડસ્ટ્રીયલ કોરિડોર ડેવલપમેન્ટ પ્રોગ્રામ (NIDCP) હેઠળ તૈયાર કરવામાં આવશે. આ અંતર્ગત દેશના 10 રાજ્યોને આવરી લેવામાં આવશે અને કુલ 6 કોરિડોર બનાવવામાં આવશે.
જાણો કયા છે આ 12 શહેરો
ખુરપિયા – ઉત્તરાખંડ
રાજપુરા-પટિયાલા – પંજાબ
દિઘી – મહારાષ્ટ્ર
પલક્કડ – કેરળ
આગ્રા અને પ્રયાગરાજ – ઉત્તર પ્રદેશ
ગયા – બિહાર
ઝહીરાબાદ – તેલંગાણા
ઓરવાકલ અને કોપર્થી – આંધ્ર પ્રદેશ
જોધપુર અને પાલી – રાજસ્થાન
28,602 કરોડનું રોકાણ કરશે.
માહિતી આપતાં કેન્દ્રીય મંત્રી અશ્વિની વૈષ્ણવે જણાવ્યું હતું કે સરકાર આ પ્રોજેક્ટ્સમાં લગભગ ₹28,602 કરોડનું રોકાણ કરશે. તેમણે કહ્યું કે આ ઔદ્યોગિક હબમાં . 1.5 લાખ કરોડના રોકાણની સંભાવના છે. આ ઔદ્યોગિક સ્માર્ટ સિટીના નિર્માણમાં 10 લાખ પ્રત્યક્ષ અને 30 લાખ પરોક્ષ રોજગારી પેદા કરવાની ક્ષમતા હશે.
