Coal India
Dividend Stock: જાહેર ક્ષેત્રની કોલસા ખાણકામ કંપની કોલ ઈન્ડિયાએ શુક્રવારે 25 ઓક્ટોબરે તેના નાણાકીય પરિણામો જાહેર કર્યા. કોલ ઈન્ડિયાએ જણાવ્યું કે નાણાકીય વર્ષ 2024-25ના બીજા ક્વાર્ટરમાં તેમનો ચોખ્ખો નફો 22 ટકા ઘટીને રૂ. 6289.10 કરોડ થયો છે. જ્યારે ગયા નાણાકીય વર્ષના બીજા ક્વાર્ટરમાં કંપનીનો ચોખ્ખો નફો 8048.60 કરોડ રૂપિયા હતો. આ સાથે કંપનીની આવક પણ આ સમયગાળા દરમિયાન 6.4 ટકા ઘટીને રૂ. 30,672.90 કરોડ થઈ છે, જે ગયા નાણાકીય વર્ષના બીજા ક્વાર્ટરમાં રૂ. 32,776 કરોડ હતી. જો કે, નબળા પરિણામો છતાં કોલ ઈન્ડિયાએ તેના શેરધારકો માટે જંગી ડિવિડન્ડ જાહેર કર્યું છે.
કોલ ઈન્ડિયાએ એક એક્સચેન્જ ફાઈલિંગમાં જણાવ્યું હતું કે કંપનીના બોર્ડ ઓફ ડિરેક્ટર્સે નાણાકીય વર્ષ 2024-25 માટે પ્રથમ વચગાળાનું ડિવિડન્ડ જાહેર કર્યું છે. બોર્ડે 10 રૂપિયાની ફેસ વેલ્યુ સાથેના દરેક શેર પર 15.75 રૂપિયાનું ડિવિડન્ડ જાહેર કર્યું છે. કંપનીએ ડિવિડન્ડની ચુકવણી માટે રેકોર્ડ ડેટ પણ નક્કી કરી છે. કંપનીએ જણાવ્યું હતું કે રૂ. 15.75ના વચગાળાના ડિવિડન્ડ માટેની રેકોર્ડ તારીખ 5 નવેમ્બર મંગળવાર માટે નક્કી કરવામાં આવી છે. ડિવિડન્ડની રકમ 24 નવેમ્બરે શેરધારકોના બેંક ખાતામાં મોકલવામાં આવશે.
બુધવારે કોલ ઈન્ડિયાના શેરમાં સારો ઉછાળો જોવા મળી રહ્યો છે. આજે સવારે 11.01 વાગ્યે કંપનીના શેર રૂ. 6.85 (1.54%)ના ઉછાળા સાથે રૂ. 452.45 પર ટ્રેડ કરી રહ્યા હતા. મંગળવારે રૂ.445.60ના ભાવે બંધ થયેલો કંપનીનો શેર આજે રૂ.447.10ના ઉછાળા સાથે ખૂલ્યો હતો. સવારે 11.01 વાગ્યા સુધીમાં, કંપનીના શેર રૂ. 445.15ના ઇન્ટ્રાડે લોથી રૂ. 455.70ના ઇન્ટ્રા-ડે હાઇ પર પહોંચી ગયા હતા. કંપનીનું વર્તમાન માર્કેટ કેપ રૂ. 2,79,818.68 કરોડ છે.
