Amazon Received Parcel: જો તમને એમેઝોનથી મળેલા પાર્સલ પર પિંક ટપકું દેખાય તો શું કરવું? આ જાણવું મહત્વપૂર્ણ છે
Amazon Received Parcel: એમેઝોને તેના પાર્સલની સલામતી માટે એક નવી ટેકનિક શરૂ કરી છે. જેમાં ખાસ ગુલાબી ટપકાંવાળી ટેપનો ઉપયોગ કરવામાં આવી રહ્યો છે. જો ડિલિવરી સમયે બોક્સ પર આ પિંક ટપકું દેખાય, તો સમજો કે પેકેજ સાથે છેડછાડ કરવામાં આવી છે. જાણો આ ટેકનિકનું રહસ્ય શું છે અને આવા પેકેજ જોયા પછી તમારે શું કરવું જોઈએ.
Amazon Received Parcel: જો તમે પણ એમેઝોન પરથી ઓનલાઇન શોપિંગ કરો છો અને વિચારો છો કે તમારા મોંઘા ઓર્ડર સાથે કઈંક છેડછાડ તો નથી થઈ ગઈ, તો હવે ચિંતા કરવાની જરૂર નથી. એમેઝોએ તેમના પાર્સલની સુરક્ષા માટે નવી સ્માર્ટ ટેકનોલોજી શરૂ કરી છે, જેના કારણે કોઈ પણ છેડછાડ તરત જ પકડી શકાય છે.
આ નવી સલામતી તકનીક શું છે?
એમેઝોન હવે પોતાના હાઇ-વેલ્યુ પ્રોડક્ટ્સની પેકિંગમાં ખાસ સિક્યોરિટી ટેપનો ઉપયોગ કરે છે. આ ટેપ પર પીંક અને લાલ રંગના નાના નાના ડોટ્સ હોય છે. જો કોઈ પાર્સલને ખોલવા માટે કોઈ પ્રયાસ કરે, ખાસ કરીને હીટ ગન કે ગરમીથી, તો આ ડોટ્સનો રંગ બદલાઈ જાય છે અને સ્પષ્ટ થઇ જાય છે કે પેકેજ સાથે છેડછાડ કરવામાં આવી છે. હવે કોઈ જેટલી પણ ચતુરાઈથી પેકેજ ખોલશે, તે છુપાવી શકશે નહીં.
જો જોવા મળે પિંક ડોટ તો શું કરવું?
- પ્રથમ પાર્સલની ફોટો અથવા વિડિઓ બનાવો. આ પુરાવા તરીકે ઉપયોગ કરી શકાય.
- તે સિવાય, જો પિંક ડોટ સ્પષ્ટ જોવા મળે, તો પેકેજ સ્વીકારવા માટે ના કહી દો.
- ફટાફટ એમેઝોનની કસ્ટમર સર્વિસ સાથે સંપર્ક કરો અને ફરિયાદ દાખલ કરો.
- એમેઝોન મુજબ, જો કોઈ પાર્સલમાં આવો ડોટ દેખાય તો ગ્રાહકને તેને લેવાનું નિઃસંકોચ રીતે ના કરવાનો હક છે.
શા માટે આ પગલાં જરૂરી છે?
ગત કેટલાક વર્ષોમાં ઘણા એવા કેસો સામે આવ્યા છે જ્યાં લોકોને મોબાઇલની જગ્યાએ ઈંટ, સાબુ અથવા પથ્થર જેવા વસ્તુઓ મોકલાયા હતા. આવી સ્થિતિમાં એમેઝોનનો આ નિર્ણય ગ્રાહકોનો વિશ્વાસ જાળવવામાં મદદ કરશે અને ઠગાઈ રોકવામાં સક્ષમ બનશે.
પણ ગ્રાહકોને ફક્ત એટલું યાદ રાખવું છે કે જ્યારે પણ કોઈ કિંમતી ઓર્ડર મળે, તો પહેલાં ડોટ્સ તપાસો અને ત્યાર બાદ પેકેજ સ્વીકારો.
