બોલિવૂડની સૌથી સુંદર અભિનેત્રીઓમાંની એક ઐશ્વર્યા રાય બચ્ચનને પહેલીવાર માતા બનવા માટે ઘણી પીડા સહન કરવી પડી હતી. આ બાબતે તેના સસરા અમિતાભ બચ્ચન પણ ઐશ્વર્યા રાય બચ્ચનના ખૂબ વખાણ કરે છે. પુત્રવધૂ અને સસરા વચ્ચેના સંબંધો હોવા છતાં પણ એશ અને બિગ બી ખૂબ જ સારું બોન્ડિંગ ધરાવે છે. જ્યારે બિગ બી દાદા બન્યા ત્યારે તેઓ પોતાની ખુશીને રોકી ન શક્યા. આવી સ્થિતિમાં બિગ બી જલસામાંથી બહાર આવ્યા અને મીડિયા સાથે દાદા બનવાની ખુશી શેર કરી. પરંતુ શું તમે જાણો છો કે પહેલીવાર માતા બનવાને કારણે એશને ઘણી પીડામાંથી પસાર થવું પડ્યું હતું, પરંતુ તેમ છતાં તે નોર્મલ ડિલિવરીના ર્નિણય પર અડગ હતી. બિગ બીએ પોતે આ વાત શેર કરી છે. ૨૦૧૧ની વાત છે. જ્યારે ઐશ્વર્યા રાય ગર્ભવતી હતી. આખો બચ્ચન પરિવાર આ ખાસ મહેમાનની રાહ જાેઈ રહ્યો હતો.
ડિલિવરીનો સમય નજીક હતો, તેથી એશને ૨ દિવસ અગાઉ એટલે કે ૧૪મી નવેમ્બરે જ હોસ્પિટલમાં દાખલ કરવામાં આવી હતી. પરંતુ એશને લેબર પેઇન ન હતું જેના કારણે ડોકટરો પણ ચિંતિત હતા. આ દરમિયાન આખો બચ્ચન પરિવાર તેની સાથે હતો. એકવાર અમિતાભ બચ્ચને પોતે કહ્યું હતું કે ઐશ્વર્યાની નોર્મલ ડિલિવરી આસાન નહોતી. આવી સ્થિતિમાં, ડૉક્ટરોએ તેને સી-સેક્શનની સલાહ આપી હતી, પરંતુ એશે ડૉક્ટરોની વાત ન માની અને નોર્મલ ડિલિવરીના ર્નિણય પર અડગ રહી. આખરે, ૨ દિવસ પછી, એશને ડિલિવરી પેઇન શરૂ થયું અને તે ૩ કલાક સુધી આ પીડાથી પીડાતી રહી, ત્યારબાદ તેણે ૧૬ નવેમ્બર ૨૦૧૧ના રોજ આરાધ્યાને જન્મ આપ્યો. એશ ૩૭ વર્ષની ઉંમરે પહેલીવાર માતા બની હતી. બિગ બીએ બધાની સામે આ ર્નિણય માટે ઐશ્વર્યાના વખાણ કર્યા હતા.
