Acemagic X1
Acemagic X1 લેપટોપ: આ લેપટોપનો ઉપયોગ સાઇડ-બાય-સાઇડ ડિસ્પ્લે તરીકે કરી શકાય છે. આ લેપટોપ બેક ટુ બેક મોડ સાથે આવે છે, જેમાં તમે સામેની વ્યક્તિ સાથે સ્ક્રીન શેર કરી શકો છો.
Acemagic X1 Dual Screen Laptop: આજના સમયમાં ટેક્નોલોજીની દુનિયા ખૂબ જ એડવાન્સ થઈ ગઈ છે. નવી આધુનિક ટેક્નોલોજીનો ઉપયોગ કરીને એક પછી એક નવા ઉપકરણો લોન્ચ કરવામાં આવી રહ્યા છે. હવે કંપનીએ એક લેપટોપ રજૂ કર્યું છે જે ડ્યુઅલ સ્ક્રીન સાથે આવે છે. આ સાથે કંપનીએ એવો પણ દાવો કર્યો છે કે આ દુનિયાનું પહેલું આ પ્રકારનું લેપટોપ છે.
આ લેપટોપનું નામ Acemagic X1 છે, જેને યુઝર્સ સાઇડ બાય સાઇડ ડિસ્પ્લે તરીકે ઉપયોગ કરી શકે છે. આ લેપટોપની યુનિક ડિઝાઈન ઘણા બધા યુઝર્સને આકર્ષી રહી છે. આ લેપટોપમાં તમને ઘણા શાનદાર ફીચર્સ મળશે.
તેમાં બેક ટુ બેક મોડ પણ છે, જેની મદદથી તમે તમારી સામે બેઠેલી વ્યક્તિ સાથે લેપટોપની સ્ક્રીન સરળતાથી શેર કરી શકો છો. આવી સ્થિતિમાં આ સ્ક્રીન પ્રેઝન્ટેશન, ગેમ રમવા અને મૂવી જોવામાં ખૂબ જ ઉપયોગી સાબિત થશે.
Acemagic X1 લેપટોપની વિશિષ્ટતાઓ
જો કે બજારમાં ઘણા ડ્યુઅલ સ્ક્રીન લેપટોપ ઉપલબ્ધ છે, પરંતુ તે લેપટોપમાં એક પ્રકારની સ્ક્રીન સાઈઝ ઉપલબ્ધ નથી. આ લેપટોપમાં તમને 12મી જનરેશનનું ઇન્ટેલ કોર i7-1255U પ્રોસેસર મળે છે. તમને લેપટોપમાં 2 14-ઇંચની ફુલએચડી સ્ક્રીન આપવામાં આવી છે. આ સિવાય આ લેપટોપ 16GB ડ્યુઅલ ચેનલ DDR4 રેમ અને 1TB SSD સ્ટોરેજ સાથે આવે છે.
અન્ય ફીચર્સની વાત કરીએ તો, લેપટોપમાં 2 USB Type-C, એક USB 3.0 Type-A અને એક HDMI 2.0 પોર્ટ છે આ લેપટોપને બેમાંથી એક USB-C પોર્ટની મદદથી ચાર્જ કરી શકાય છે. આ લેપટોપ Wi-Fi 6, બ્લૂટૂથ 5.2 સપોર્ટ સાથે આવે છે. આ લેપટોપ ક્યારે વેચાણ માટે ઉપલબ્ધ થશે તે અંગે હજુ સુધી કોઈ માહિતી મળી નથી.
