અમદાવાદના સેટેલાઈટ વિસ્તારમાં આવેલા સીએમ ઝવેરી નામના જ્વેલર્સના શૉ રૂમના માલિક મહેશ રાણપરાની હત્યા કેસમાં વિશાલ ગોસ્વમીની ધરપકડ કરવામાં આવી હતી. વિશાલ ગોસ્વામીએ જ્વેલર્સના માલિકને ફોન કરીને ૫૦ લાખ રૂપિયાની ધમકી આપી હતી. ધમકી આપ્યાના થોડા દિવસ બાદ જ્વેલર્સના માલિક મહેશભાઈ રાણપરાના ઘરની પાસે ફાયરિંગ પણ થયુ હતુ. સમગ્ર મામલે ફરિયાદએ કોર્ટમાં આરોપી વિશાલ ગોસ્વામીને ઓળખી બતાવ્યો હતો.
કુખ્યાત ગેંગસ્ટર વિશાલ ગોસ્વામી સામે દેશમાં કુલ ૫૧ ગુના નોંધાયેલા છે. વિશાલ ગોસ્વામી સામે જ્વેલર્સ પાસે ખંડણી ઉઘરાવવી, ધમકી આપવી, ફાયરિંગ કરવુ, હત્યા અને હત્યાની ધમકી આપવી જેવા અનેક ગુના નોંધાયેલા છે. વિશાલ ગોસ્વામીએ અમદાવાદમાં ૩ સોનીઓની હત્યા પણ કરી છે અને છડ્ઢઝ્ર બેંકમાં પણ લૂંટ ચલાવી છે. છેલ્લા ઘણા સમયથી વિશાલ ગોસ્વામી ફરાર ચાલી રહ્યો હતો. જાે કે, ક્રાઈમ બ્રાંચે તેને ઉત્તરપ્રદેશથી ઝડપી પાડ્યો હતો.
ક્રાઈમ બ્રાંચે તેને અમદાવાદમાં જ્વેલર્સના માલિક પર ફાયરિંગ અને ખંડણી માંગવાના કેસમાં કોર્ટમાં રજૂ કર્યો હતો. કોર્ટે આરોપી વિશાલ ગોસ્વામીને સજા સંભળાવતા નોંધ્યુ હતુ કે, આરોપી માથાભારે માણસ છે અને ગુનાહિત ઈતિહાસ ધરાવે છે. જાે સમાજમાં તેને છૂટો મુકાઈ તો દહેશત રહેવાની શક્યતા છે. આવા આરોપીને સજા થવાથી વેપારીઓ શાંતિથી વેપાર કરી શકશે.
