stock market : ગુરુવારે ભારે ઘટાડા બાદ શુક્રવારે શેરબજારમાં તેજી જોવા મળી હતી. સેન્સેક્સ 260 પોઈન્ટ વધીને 72,664ના સ્તરે બંધ થયો હતો, જ્યારે નિફ્ટીમાં પણ 97 પોઈન્ટનો ઉછાળો જોવા મળ્યો હતો અને તે 22,054ના સ્તરે બંધ થયો હતો.
શેરબજારમાં ગઈ કાલે ઘટાડો જોવા મળ્યો હતો
અગાઉ ગઈકાલે એટલે કે 9મી મેના રોજ શેરબજારમાં ઘટાડો જોવા મળ્યો હતો. સેન્સેક્સ 1062 પોઈન્ટ ઘટીને 72,404 પર બંધ રહ્યો હતો. તે જ સમયે, નિફ્ટી પણ 345 પોઇન્ટ ઘટીને 21,957 પર બંધ થયો હતો. સેન્સેક્સના 30 શેરોમાંથી 25માં ઘટાડો અને 5માં વધારો જોવા મળ્યો હતો.
ઓટો સિવાય નેશનલ સ્ટોક એક્સચેન્જ (NSE)ના તમામ સેક્ટરમાં ઘટાડો જોવા મળ્યો હતો. નિફ્ટી ઓટો 0.78% વધ્યો. જ્યારે તેલ અને ગેસ સેક્ટરમાં સૌથી વધુ 3.15%નો ઘટાડો જોવા મળ્યો હતો. FMCG 2.47%, રિયલ્ટી 2.23% અને મેટલ 2.87% ઘટ્યા.
