દેશમાં પેટ્રોલ-ડીઝલના ભાવ યથાવત: કૂડ ઓઇલમાં અસ્થિરતા વચ્ચે ઈરાન-અમેરિકા સંઘર્ષની અસર

ઇંધણના ભાવમાં શાંતિ: દેશના મુખ્ય શહેરોમાં પેટ્રોલ-ડીઝલના આજના લેટેસ્ટ દર

આજે શનિવારે પણ દેશભરમાં પેટ્રોલ અને ડીઝલના દરો સ્થિર રહ્યા છે. જોકે, આંતરરાષ્ટ્રીય બજારમાં કાચા તેલના (Crude Oil) ભાવમાં સતત ઉતાર-ચઢાવ જોવા મળી રહ્યો છે. વૈશ્વિક સ્તરે બળતણની કિંમતોમાં અસ્થિરતા હોવા છતાં, સરકારી ઓઇલ માર્કેટિંગ કંપનીઓ (OMCs) ના કારણે ભારતીય ગ્રાહકો આ ભાવવધારાથી સુરક્ષિત રહ્યા છે.

ભારતમાં દરરોજ સવારે ૬ વાગ્યે આંતરરાષ્ટ્રીય કાચા તેલના ભાવના આધારે ઇંધણના દર અપડેટ કરવામાં આવે છે. આંતરરાષ્ટ્રીય બજારમાં જ્યારે ક્રૂડ ઓઇલ ખુબ મોંઘુ થાય છે, ત્યારે ઓઇલ કંપનીઓ પોતાના સ્તરે નુકસાન સહન કરીને પણ રિટેલ ભાવ વધારવાનું ટાળે છે. લાંબા સમય સુધી કિંમતો ઊંચા સ્તરે રહે ત્યારે જ સ્થાનિક સ્તરે મામૂલી ફેરફાર કરવામાં આવે છે.

મુખ્ય શહેરોમાં આજે પેટ્રોલના ભાવ (પ્રતિ લિટર)

• દિલ્હી: રૂ. ૧૦૨.૧૨

• ગુરૂગ્રામ: રૂ. ૧૦૨.૯૭

• ચંડીગઢ: રૂ. ૧૦૧.૫૫

• પટના: રૂ. ૧૧૩.૩૫

• કોલકાતા: રૂ. ૧૧૩.૪૩

• મુંબઈ: રૂ. ૧૧૧.૧૨

• ચેન્નઈ: રૂ. ૧૦૭.૭૫

• હૈદરાબાદ: રૂ. ૧૧૫.૬૯

• બેંગલુરુ: રૂ. ૧૧૦.૯૩

મુખ્ય શહેરોમાં આજે ડીઝલના ભાવ (પ્રતિ લિટર)

• દિલ્હી: રૂ. ૯૫.૨૦

• કોલકાતા: રૂ. ૯૯.૭૮

• ગુરૂગ્રામ: રૂ. ૯૫.૪૨

• ચંડીગઢ: રૂ. ૯૯.૩૬

• પટના: રૂ. ૧૧૩.૩૫

• મુંબઈ: રૂ. ૯૭.૭૮

• ચેન્નઈ: રૂ. ૯૯.૫૭

• હૈદરાબાદ: રૂ. ૧૦૩.૮૨

• બેંગલુરુ: રૂ. ૯૮.૭૯

ઈરાન-અમેરિકા સંઘર્ષ: આર્થિક મોરચે મોટો તણાવ

છેલ્લા કેટલાક સમયથી ચાલી રહેલો ઈરાન અને અમેરિકા વચ્ચેનો તણાવ હવે એક નવો વળાંક લઈ રહ્યો છે. આ વિવાદ હવે સૈન્ય સંઘર્ષથી આગળ વધીને આર્થિક મોરચા પર પહોંચી ગયો છે. અમેરિકી રાષ્ટ્રપતિ ડોનાલ્ડ ટ્રમ્પે જાહેરમાં ચેતવણી આપી છે કે જે પણ દેશ ઈરાન સાથે વેપાર ચાલુ રાખશે, તેણે અમેરિકાની સખત કાર્યવાહી અને કાનૂની પરિણામોનો સામનો કરવો પડશે.

ટ્રમ્પે ઈરાનની અર્થવ્યવસ્થાને સંપૂર્ણપણે નબળી પાડવા માટે ‘ઇકોનોમિક D-Day’ અને ઇતિહાસના સૌથી કડક આર્થિક પ્રતિબંધો લગાવવાની ધમકી આપી છે. બીજી તરફ, ઈરાનના સૌથી મોટા વેપારી ભાગીદાર ચીને અમેરિકાના આ એકતરફી પ્રતિબંધોનો વિરોધ કર્યો છે અને તેને સમર્થન આપવાનો સ્પષ્ટ ઇનકાર કર્યો છે. વૈશ્વિક સ્તરે વધી રહેલા આ આર્થિક તણાવની અસર ભવિષ્યમાં કાચા તેલના પુરવઠા અને કિંમતો પર પડી શકે છે.