Petrol-Diesel Price: મોંઘવારીનો મોટો ઝટકો: ૪ વર્ષ બાદ પેટ્રોલ-ડીઝલના ભાવમાં ભડકો

Petrol-Diesel Price: ઈરાન-અમેરિકા તણાવની ભારત પર અસર: પેટ્રોલ-ડીઝલના ભાવ વધતા હવે શાકભાજી, કરિયાણું અને દૂધ પણ થશે મોંઘા

ઈરાન અને અમેરિકા વચ્ચે ચાલી રહેલા તણાવ અને યુદ્ધની સ્થિતિ વચ્ચે આખરે સામાન્ય જનતા પર મોંઘવારીનો મોટો બોજ આવી પડ્યો છે. કેન્દ્ર સરકાર દ્વારા શુક્રવાર, ૧૫ મેના રોજ દેશભરમાં પેટ્રોલ અને ડીઝલની કિંમતોમાં મોટો વધારો ઝીંકી દેવામાં આવ્યો છે. આંતરરાષ્ટ્રીય બજારમાં ક્રૂડ ઓઇલની સ્થિતિને જોતાં છેલ્લા ઘણા દિવસોથી આ ભાવ વધારાની અટકળો લગાવવામાં આવી રહી હતી.

નોંધનીય છે કે, છેલ્લા આશરે ચાર વર્ષમાં રિટેલ ગ્રાહકો માટે ઈંધણના ભાવમાં કરવામાં આવેલો આ પ્રથમ મોટો વધારો છે. આ નિર્ણય હેઠળ પેટ્રોલ અને ડીઝલ બંનેની કિંમતોમાં સીધો ૩ રૂપિયા પ્રતિ લીટરનો તોતિંગ મોંઘવારી ઝીંકાયો છે. જોકે, આજે એટલે કે ૧૮ મેના રોજ દેશમાં ઈંધણના ભાવ સ્થિર રહ્યા છે અને રવિવારની સરખામણીએ કિંમતોમાં કોઈ નવો ફેરફાર થયો નથી.

દેશના મુખ્ય શહેરોમાં આજનો ભાવ (૧૮ મે)

ભાવ વધારા બાદ દેશના મેટ્રો સિટીઝ અને મુખ્ય શહેરોમાં પેટ્રોલ-ડીઝલના આજના પ્રતિ લીટરના ભાવ નીચે મુજબના કોષ્ટકમાં જોઈ શકાય છે:

સામાન્ય જનતાના ખિસ્સા ખાલી થશે: આ વસ્તુઓ થઈ જશે મોંઘી

માર્કેટ એક્સપર્ટ્સનું માનવું છે કે પેટ્રોલ અને ડીઝલના ભાવમાં થયેલા આ વધારાની સીધી અને આડકતરી અસર દેશના દરેક પરિવારના માસિક બજેટ, કરિયાણાના બિલ અને રોજિંદી સેવાઓ પર જોવા મળશે. લોજિસ્ટિક્સ અને ટ્રાન્સપોર્ટેશન મોંઘું થવાના કારણે નીચેની વસ્તુઓના ભાવ આગામી દિવસોમાં વધી શકે છે:

• FMCG પ્રોડક્ટ્સ: બિસ્કિટ, સ્નેક્સ, ઇન્સ્ટન્ટ નૂડલ્સ, ખાદ્ય તેલ (એડિબલ ઓઇલ) અને પેકેજ્ડ ફૂડ બનાવતી કંપનીઓ પર આની મોટી અસર પડશે. આ કંપનીઓનો મોટાભાગનો આધાર ટ્રાન્સપોર્ટ નેટવર્ક પર હોય છે. ડીઝલ મોંઘું થવાથી તેમનો ઓપરેટિંગ અને ડિસ્ટ્રિબ્યુશન ખર્ચ વધશે, જેથી પ્રોડક્ટ્સ મોંઘી થશે.

• શાકભાજી અને ફળો: ખેતરોમાંથી માર્કેટ યાર્ડ (મંડીઓ) સુધી અને ત્યાંથી ગ્રાહકોના ઘર સુધી શાકભાજી-ફળો પહોંચાડવાનો નૂર ભાડાનો ખર્ચ વધી જશે, જેના કારણે લીલા શાકભાજીના ભાવ આસમાને પહોંચી શકે છે.

• દૂધના ભાવમાં પહેલા જ વધારો: ટ્રાન્સપોર્ટેશન અને ઓપરેશનલ ખર્ચ વધવાને કારણે અમૂલ (Amul) અને મધર ડેરી (Mother Dairy) જેવી મોટી બ્રાન્ડ્સે તાજેતરમાં જ દૂધના ભાવમાં આશરે ૨ રૂપિયા પ્રતિ લીટરનો વધારો ઝીંકી દીધો છે.