AI Features: નવો ટ્રેન્ડ: શું તમારો ફોન સ્માર્ટ છે? જાણો કેમ ભારતીયો કેમેરા-બેટરી કરતા AI ફીચર્સને વધુ પસંદ કરી રહ્યા છે
ટેકનોલોજીની દુનિયામાં અત્યારે જો કોઈ સૌથી મોટો શબ્દ હોય તો તે ‘AI’ છે. તાજેતરમાં Flipkart અને Counterpoint Research દ્વારા બહાર પાડવામાં આવેલા અહેવાલ મુજબ, ભારતના 89 ટકા ગ્રાહકો હવે સ્માર્ટફોન ખરીદતી વખતે AI ફીચર્સને ‘ડિસાઇડિંગ ફેક્ટર’ એટલે કે નિર્ણય લેવા માટેનું મુખ્ય કારણ માને છે. હવે લોકો માત્ર હાર્ડવેર સ્પેસિફિકેશન જોવાને બદલે ‘એક્સપિરિયન્સ-બેઝ્ડ’ એટલે કે અનુભવ આધારિત ખરીદી કરી રહ્યા છે.
AI ફીચર્સ હવે લક્ઝરી નહીં, જરૂરિયાત
રિપોર્ટ અનુસાર, AI હવે માત્ર મોંઘા કે પ્રીમિયમ ફોન પૂરતું મર્યાદિત નથી રહ્યું. ₹15,000 થી ₹20,000 ના બજેટ સેગમેન્ટમાં પણ ગ્રાહકો એવા ફોનની શોધમાં હોય છે જેમાં સારા AI ફીચર્સ હોય. વોઈસ આસિસ્ટન્ટથી લઈને કન્ટેન્ટ ક્રિએશન અને પર્સનલાઇઝેશન સુધી, AI આપણા ડિજિટલ જીવનનો અભિન્ન હિસ્સો બની ગયું છે.
કોણ કેવી રીતે કરે છે AIનો ઉપયોગ?
વિવિધ વયજૂથના લોકો AIનો ઉપયોગ તેમની જરૂરિયાત મુજબ અલગ-અલગ રીતે કરે છે:
Gen Z (યુવા પેઢી): આ પેઢી મુખ્યત્વે સોશિયલ મીડિયા કન્ટેન્ટ ક્રિએશન અને એન્ટરટેઈનમેન્ટ માટે AI ટૂલ્સનો ઉપયોગ કરે છે.
મિલેનિયલ્સ (Millennials): તેઓ ઓફિસના કામકાજમાં પ્રોડક્ટિવિટી વધારવા અને પ્લાનિંગ માટે AIની મદદ લે છે.
મહિલા ગ્રાહકો: સ્ત્રીઓ તેમની લાઈફસ્ટાઈલ જરૂરિયાતો અને રોજિંદા કામકાજને સરળ બનાવવા માટે AI ફીચર્સનો ઉપયોગ કરવામાં વધુ રસ દાખવી રહી છે.
દેખાવ અને રંગ પાછળ વધારાનો ખર્ચ
માત્ર ટેકનોલોજી જ નહીં, પણ ફોનનો દેખાવ (Aesthetics) પણ હવે મહત્વનો બની ગયો છે.
પસંદગીના રંગો: આશરે 64 ટકા યુઝર્સ કલરફુલ અને સ્ટાઇલિશ ડિવાઇસ પસંદ કરે છે.
પ્રીમિયમ પેમેન્ટ: જો ગ્રાહકને તેની પસંદગીનો રંગ કે મટીરિયલ (જેમ કે લેધર ફિનિશ) મળે, તો તે તેના માટે 5 ટકા સુધી વધારાના નાણાં ચૂકવવા પણ તૈયાર છે. આ ટ્રેન્ડ ખાસ કરીને ટાયર-2 શહેરોમાં વધુ જોવા મળ્યો છે.
AI થી કેવી રીતે સુધર્યો સ્માર્ટફોનનો અનુભવ?
AI ફીચર્સ આવવાથી સ્માર્ટફોન હવે વધુ સ્માર્ટ બન્યા છે.
બેટરી મેનેજમેન્ટ: AI યુઝરની આદતો સમજીને બેટરી લાઈફ અને પરફોર્મન્સને ઓપ્ટિમાઈઝ કરે છે.
પ્રોફેશનલ ફોટોગ્રાફી: હવે કેમેરામાં ‘AI કોચ’ જેવા ફીચર્સ આવે છે, જે સામાન્ય યૂઝરને પણ પ્રોફેશનલ ફોટોગ્રાફર જેવી તસવીરો લેવામાં મદદ કરે છે.
સિક્યુરિટી: એડવાન્સ્ડ ફેસ અનલોક અને ફ્રોડ ડિટેક્શનમાં પણ AI મહત્વની ભૂમિકા ભજવી રહ્યું છે.
