મહારાષ્ટ્રમાં રાષ્ટ્રવાદી કોંગ્રેસ (એનસીપી)માં બે ગ્રુપ બન્યા બાદ શરદ પવાર અને અજિત પવાર વચ્ચે પાર્ટીના દાવાને અંગે રસાકસી ચાલી રહી છે. આ વચ્ચે અજિત પવાર ગ્રુપનું એક્સ (પૂર્વમાં ટ્વીટર) એકાઉન્ટ સસ્પેન્ડ કરી દેવામાં આવ્યું છે. અજિત ગ્રુપનું કહેવું છે કે, એક જ નામ પર એકાઉન્ટ હોવાની ફરિયાદ શરદ ગ્રુપે કરી હતી ત્યારબાદ એકાઉન્ટ સસ્પેન્ડ થયું છે. જ્રએનસીપીજીॅીટ્ઠાજ૧ના નામથી બનેલા આ એકાઉન્ટ પર લખ્યું છે- એકાઉન્ટ સસ્પેન્ડ. એક્સએ એકાઉન્ટ સસ્પેન્ડ કરી દીધુ છે જેણે એક્સના નિયમોનું ઉલ્લઘંન કર્યું છે. આ સાથે જ શરદ પવાર ગ્રુપે અજિત પવાર ગ્રુપ વિરુદ્ધ કાયદાકીય લડાઈ તેજ કરી દીધી છે. પવાર ગ્રુપે ચૂંટણી પંચને ૫૦૦ પાનાનો જવાબ દાખલ કર્યો છે. જેમાં કહેવામાં આવ્યું છે કે, અજિત પવાર સહિત ૩૯ ધારાસભ્યો જે તેમના ગ્રુપમાં સામેલ છે તેમને અયોગ્ય જાહેર કરવામાં આવે.
શરદ પવારના નેતૃત્વ વાળી એનસીપીના વિધાનસભા અધ્યક્ષ રાહુલ નાર્વેકર સામે જ અયોગ્યતા અરજીઓ દાખલ કરી છે તે પ્રમાણે પવાર ગ્રુપ પાસે માત્ર ૧૧ ધારાસભ્યોનું સમર્થન છે. જ્યારે બીજી તરફ અજિત પવાર ગ્રુપને ૪૧ ધારાસભ્યોનું સમર્થન મળ્યું છે. અજિત પવાર ગ્રુપે એનસીપીના નામ અને ચૂંટણી ચિહ્ન પર દાવો કરતા ચૂંટણી આયોગનો દરવાજાે પણ ખખડાવ્યો છે. તેને લઈને ચૂંટણી પંચે શરદ પવાર ગ્રુપ પાસે જવાબ પણ માંગ્યો છે.
