Airplane Mode Hidden Features: જાણી લો 5 છુપાયેલા ફીચર્સ
Airplane Mode Hidden Features: શું તમને પણ લાગે છે કે એરપ્લેન મોડ ફક્ત ફ્લાઇટ દરમિયાન જ ઉપયોગી છે? જો હા, તો એવું બિલકુલ નથી! આ નાનકડું ફીચર સ્માર્ટફોન યુઝર્સને ઘણા અદભૂત ફાયદા આપી શકે છે. ચાલો જાણીએ એરપ્લેન મોડની એવી છુપાયેલી ખાસિયતો, જે તમારી ડિજિટલ લાઇફને બનાવશે વધુ સ્માર્ટ અને એફિશિયન્ટ.
Airplane Mode Hidden Features: આપણે સૌ રોજબરોજ સ્માર્ટફોનનો ઉપયોગ કરીએ છીએ, પરંતુ શું તમે ખરેખર જાણો છો કે તમારા ફોનમાં રહેલા દરેક ફીચર્સ શું કામ આવે છે? સામાન્ય રીતે આપણું ધ્યાન સોશિયલ મીડિયા સ્ક્રોલ કરવું, કેમેરાનો ઉપયોગ કરવો કે ચેટિંગમાં જ રહે છે. આ દરમિયાન એક નાનું પણ ખાસ ફીચર છે – એરપ્લેન મોડ, જેને મોટા ભાગે લોકો ફક્ત ફ્લાઇટ દરમિયાન જ ઉપયોગમાં લે છે.
પરંતુ શું તમે જાણો છો કે આ ઓપ્શનના ઘણા એવા ફાયદાઓ છે જે તમારી દિનચર્યાને વધુ સરળ બનાવી શકે છે અને સાથે તમારા ફોન ઉપયોગ કરવાની રીત પણ બદલી શકે છે?
ફોકસ વધારવું છે?
જો તમે અભ્યાસ કરતા હો અથવા કોઈ મહત્વપૂર્ણ કામ દરમિયાન સતત આવતા નોટિફિકેશનથી પરેશાન થાવ છો, તો એક સરળ ટ્રિકથી આ તકલીફ દૂર થઈ શકે છે – બસ તમારા ફોનમાં એરપ્લેન મોડ ચાલુ કરો.
એરપ્લેન મોડ ઓન કરતાં જ તમામ કોલ્સ અને મેસેજિસ બંધ થઈ જશે અને તમે કોઈ વિક્ષેપ વગર તમારા કામ પર સંપૂર્ણ ધ્યાન આપી શકશો.
ઓવરહીટ થતી મશીનને આરામ આપો
ઘણીવાર ફોનનો વધુ ઉપયોગ, કમજોર નેટવર્ક અથવા બહુ બધી ઍપ્લિકેશન્સ ખુલ્લી હોવાને કારણે ફોન ઓવરહીટ થવા લાગે છે. આવા સમયે એરપ્લેન મોડ ઓન કરવાથી ફોનના પ્રોસેસર પરનો લોડ ઓછો થઈ જાય છે, અને ધીમે ધીમે તમારું ફોન ઠંડું થવા લાગે છે.
બેટરી બચાવશે એરપ્લેન મોડ
જ્યાં નેટવર્ક નબળું હોય, ત્યાં ફોન સતત સિગ્નલ શોધતો રહે છે, જેના કારણે બેટરી ઝડપથી ઘટવા લાગે છે. આવી પરિસ્થિતિમાં એરપ્લેન મોડ ચાલુ કરીને તમે તમારા મોબાઇલની બેટરી બચાવી શકો છો.
બાળકોને ઇન્ટરનેટથી દૂર રાખો
જો તમારા બાળક સતત મોબાઇલ ચલાવે છે કે રમત રમે છે અને તમે તેને ઇન્ટરનેટનો વધારે ઉપયોગ કરવાથી અટકાવવા માગો છો, તો માત્ર એરપ્લેન મોડ ચાલુ કરો. આ રીતે બાળક ઓનલાઈન કન્ટેન્ટથી દૂર રહેશે અને ફાલતુ જાહેરાતો પણ દેખાશે નહીં.
ફોન થશે ઝડપી ચાર્જ
જો તમારું ફોન ધીમી ચાર્જ થાય છે તો તેને ચાર્જિંગ પર લગાડતા પહેલા એરપ્લેન મોડ ઓન કરો. આથી બેકગ્રાઉન્ડમાં ચાલતા નેટવર્ક બંધ થઈ જશે અને ફોન વધુ ઝડપથી ચાર્જ થશે.
