KL Rahul Became India’s Captain? શુભમન ગિલ અને ઋષભ પંત બંને મેદાન પર નહોતાં, ત્યારે કેએલ રાહુલે ભારતની ટીમનું નેતૃત્વ કર્યું. જાણો કે મેચની વચ્ચે કેમ કેપ્ટનશિપ બદલાઈ શકે છે અને શું છે તેના માટેના નિયમો.
લોર્ડ્સ ટેસ્ટ 2025: ભારતીય કેપ્ટનશિપમાં થયા ફેરફાર
KL Rahul Became India’s Captain: લંડનના લોર્ડ્સ મેદાન પર ભારત અને ઇંગ્લેન્ડ વચ્ચે ચાલી રહેલી ત્રીજી ટેસ્ટ મેચમાં એક અનોખો દ્રશ્ય જોવા મળ્યો. સામાન્ય રીતે કેપ્ટન તરીકે રમનાર શુભમન ગિલના બદલે, ટીમના અનુભવી ખેલાડી કેએલ રાહુલ મેદાન પર તમામ નિર્ણયો લેતા જોવા મળ્યા, જેને લઈને સોશિયલ મીડિયામાં પણ અનેક ચર્ચાઓ થઇ રહી છે.
શા માટે કેપ્ટન બદલાયો?
મેચના ત્રીજા સત્ર દરમિયાન શુભમન ગિલ મેદાન છોડીને બહાર ગયા હતા. આ સમયે એવા પરિબળો ઉભા થયા કે જેમાં કેપ્ટન તેમજ ઉપ-કેપ્ટન ઋષભ પંત બંને મેદાન પર હાજર ન હતા. ઋષભ પંત પણ ઈજાને કારણે બહાર હતા અને તેની જગ્યાએ ધ્રુવ જુરેલ વિકેટકીપિંગ કરી રહ્યા હતા. આવી સ્થિતિમાં, ટીમના સૌથી અનુભવી ખેલાડી કેએલ રાહુલને ટીમનું તાત્કાલિક નેતૃત્વ સોંપવામાં આવ્યું.
આઈસીસી નિયમો શું કહે છે?
આઈસીસીના નિયમો અનુસાર, જો કેપ્ટન મેદાન પર ન હોય તો ઉપ-કેપ્ટન ટીમનું નેતૃત્વ કરે છે. જો કેપ્ટન અને ઉપ-કેપ્ટન બંને મેદાન પર ઉપલબ્ધ ન હોય, તો ટીમ મેનેજમેન્ટ (કેપ્ટન અને કોચ) કોઇ અનુભવી ખેલાડીને તાત્કાલિક કેપ્ટન બનાવી શકે છે. આ પ્રક્રિયા સંપૂર્ણ રીતે નિયમબદ્ધ છે અને અગાઉના અનેક મૈચોમાં પણ આવી બાબત જોવા મળેલી છે.
બીજા દિવસે ગિલ પાછા આવ્યા
લોર્ડ્સ ટેસ્ટના બીજા દિવસે, શુભમન ગિલ ફરી મેદાન પર પરત ફર્યા અને પોતાની કેપ્ટનશીપ સંભાળી. જોકે, ઋષભ પંત હજુ સુધી ઈજામાંથી સાજા થયા નથી. ભારતીય ટીમ મેનજમેન્ટએ કેએલ રાહુલ પર વિશ્વાસ રાખી જરૂરી સમયે તેમનો ઉપયોગ કર્યો અને તેમણે તે જવાબદારી સફળતાપૂર્વક નિભાવી.
આ ઘટના દર્શાવે છે કે ટીમમાં અનુભવી ખેલાડીઓની ભૂમિકા માત્ર રન બનાવવાની નથી, પણ જરૂરી સમયે નેતૃત્વ આપવાની પણ છે.
