8th Pay Commission: સરકારી કર્મચારીઓના પગારમાં ૩૪% સુધીનો વધારો થઈ શકે છે, આ છે મુખ્ય કારણ
8th Pay Commission:સરકારી કર્મચારીઓ માટે ખુશખબરી છે. અગાઉના 7મા પગાર પંચ (જાન્યુઆરી 2016 થી ડિસેમ્બર 2025) હેઠળ સરેરાશ પગાર વધારો ફક્ત 14% થયો હતો, જે 1970 પછીનો સૌથી ન્યૂનતમ વધારો ગણાય છે. આ પગારપંચે સરકારના મહેસૂલ ખર્ચ (રેવેક્સ)ને નિયંત્રિત કરવા માટે મૂડી ખર્ચ (કેપેક્સ)માં ઘટાડો કર્યો હતો.
હવે, એમ્બિટ કેપિટલ દ્વારા 9 જુલાઈના રોજ બહાર પાડવામાં આવેલા તાજા અહેવાલ મુજબ, 8મું પગાર પંચ નાણાકીય વર્ષ 2026-27 (FY27) માં લાગુ પડી શકે છે અને તેમાં સરકારી કર્મચારીઓ અને પેન્શનરોના પગાર-પેન્શનમાં 30 થી 34% સુધીનો વધારો શક્ય છે. આ સુધારા હેઠળ કેન્દ્ર સરકારના અંદાજે 1.12 કરોડ કર્મચારીઓ અને પેન્શનરોને લાભ મળશે, જેનાથી બજારમાં ખર્ચ કરવાની ક્ષમતા અને વપરાશ બંનેમાં વધારો થશે.
કયા ક્ષેત્રોને થશે લાભ?
એમ્બિટ રિપોર્ટ મુજબ, આ પગાર વધારો ખાસ કરીને નીચેના ક્ષેત્રોમાં અસરકારક રહેશે:
-
પેસેન્જર વાહન ઉદ્યોગ
-
BFSI (બેંકિંગ અને ફાઇનાન્સ)
-
FMCG (ફાસ્ટ મૂવિંગ ગુડ્સ)
-
QSR (ફાસ્ટ ફૂડ ચેઇન્સ)
પરંતુ વાસ્તવિક લાભની માત્રા વેતન વધારો, ફિટમેન્ટ ફેક્ટર અને કમિશન અમલમાં ક્યારે આવે તેના પર નિર્ભર રહેશે. જો પગાર વધારો વિલંબથી કરવામાં આવે, તો બાકી રકમ ભેગી થઈ એકસાથે મોટા પ્રમાણમાં મળશે, જે ખર્ચ કરવાની ક્ષમતા વધારશે.
પગારમાં 14% થી 54% સુધીનો વધારો શક્ય
આ રિપોર્ટ અનુસાર, પગાર વધારો નીચલા સ્તરે 14% અને વધુમાં 54% સુધી હોઈ શકે છે, જે સરકાર માટે અંદાજે 1.3 લાખ કરોડ રૂપિયાનો વધારાનો ખર્ચ લાવી શકે છે. આ વધારાના નાણાં માટે સરકારને GST દર સુધારા, PSU કંપનીઓ પાસેથી વધારાના ડિવિડન્ડ, અથવા કેપેક્સમાં ઘટાડો જેવી નીતિઓ અપનાવવી પડી શકે છે, ખાસ કરીને જ્યારે આવકવેરાની આવક ધીમી પડી રહી હોય.
7મા પગાર પંચ કેટલો અસરકારક રહ્યો?
7મા પગાર પંચ હેઠળ પગાર વધારો સૌથી ઓછી દરે થયો હતો અને સરકારને મહેસૂલ ખર્ચ સંભાળવા માટે મૂડી ખર્ચ ઘટાડવો પડ્યો હતો. આવકવેરા પર આધાર ધરાવતી સરકાર માટે હવે વધુ નાણાકીય સ્ત્રોત શોધવા અને GST સુધારા સહિતના પગલાં લેવા જરૂરી છે.
પેન્શનમાં પણ મહત્વપૂર્ણ ફેરફાર
નાણાકીય વર્ષ 2026થી લાગુ પડતા યુનિફાઇડ પેન્શન સ્કીમ હેઠળ સરકારનો પેન્શન ફંડમાં હિસ્સો 14% થી વધીને 18.5% થઈ જશે. સરકાર આ ફંડના 8.5% હિસ્સાને પોતાની પસંદગી મુજબ રોકાણ સાધનોમાં લગાવી શકે છે. જો સરકાર આ નાણાંના 45% હિસ્સાને શેરબજારમાં રોકાણ કરે તો રોકાણ વધીને 24,500 કરોડથી 46,500 કરોડ રૂપિયા સુધી પહોંચી શકે છે, જે નાણાકીય વર્ષ 2025ના સ્થાનિક પ્રવાહના 7.7% જેટલો છે.
